الخميس، 2 أبريل 2009

التتار من ظلام الهمجية الى نور الاسلام ( مقدمة )

التتار اسم لشعب زرع الرعب فى قلوب العالم , قصة مأسوية تخلى اقسي قلب يتأثر لكن مش دى كل الحقيقة ، الشعب ده له قصة عجيبة تكاد لا تصدق حنتعرف فيها على جنكيز خان اللى دبح اجدادنا زماااااان و احفاده اللى بقى ملوك مسلمين و اصحاب امبراطورية عظيمة موحدة بالله فى يوم من الايام

التتار هما اقوام نشأوا فى شمال الصين و بيندرج تحتهم قبائل كتير اشهرها المغول والسلاجقة و الترك
حياتهم كانت بدائية بتعتمد على الرعى و الصيد و عمرهم ما عرفوا وحدة مركزية و لا معنى دولة لحد ما ظهر بينهم ( تيموجين ) الاى اشتهر باسم جنكيز خان و معناها قاهر العالم و هو اللى قدر يوحد التتار بفضل المميزات اللى بيتمتع بيها كقائد عسكرى و زعيم قدر يجمع كلمة الناس عليه و ده سنة 603هـ/ 1206م تقريبًا
من ملامح تنظيم جنكيز خان للتتار هى الديانة اللى اخترعها و هى كوكتيل اديان اسلام على مسيحية على بوذية و عملهم كتياب مقدس اسمه الياسة

طموح جنكيز خان و ميله للعنف و سفك الدماء خلاه يتوسع فى غارات و حروب همجية وحشية تميزت بالتنظيم الهائل و استخدامه لعدد رهيب من الجنود ذوى القلوب الميتة تحت قيادته البارعة فى جيش يتحمل اقسى الظروف الطبيعية و قدر يوسع رقعة دولته لحد ما بقت حدودهها ممتدة من كوريا فى الشرق و الدولة الخوارزمية فى الغرب و من سهول سيبيريا فى الشمال الى بحر الصين فى الجنوب

و كان من الطبيعى مع البربرية اللى تمت بيها الهجمات التترية اننا نسمع قصة واحدة بتتكرر فى كل مدينة دخلوها تخريب و تدمير و سفك دماء الابرياء و نقض للعهود و ده حال اى شعب غير متحضر عمره ما يعرف يقدر حضارة غيره او يحترمها بالعكس بيحاول انه يمحيها كأنها بلا قيمة

المرة الجاية حنتابع رحلتنا مع اول هجمات التتار اشوفكم بعدين فى ارض المعركة

هناك 6 تعليقات:

Kiara يقول...

هايل ياعماد

التتار لا عرفوا يعني ايه نظام ولا اداره عاشو في همجيه ودا طبعا واضح في المناطق اللي هاجموها
وكانو زي الجرار بينسفوا كل شي
من نهب وسرقه و بكر لبطون الحوامل

منتظرة الجزء القادم ايوه كدا رجعني لايام الكلية :)

صوت من مصر يقول...

عمده ممكن سؤال مش التتار دول الى فريد شوقى خان جهاد وسلامه عشانهم صح ولا انا غلطان
بس تيم ايدك على الكلام ده كله

Ahmed يقول...

هايل
المعلومات عن التتار مفقوده في سيل غريب من المسلسلات والدراما اللي أصبحت المصدر الوحيد للمعرفه

اللي الناس متعرفوش أن احفاد جنكيز خان خدموا الاسلام بجد

لمزيد من المعلومات يمكن الرجوع للتارخ الاسلامي للدكتور راغب السرجانى

شكرا على جمال الموضوع

Unknown يقول...

كده انا اتحمست للكتابة اكتر عن الموضوع لأنه كان شاددنى جدا من فترة و كنت حابب اكتب عن حضارات و شعوب احنا منعرفهاش فلقيت ان حضارة المغول بعد الاسلام و التحول اللى حصل ليهم يا كيارا هى انسب حاجة للبداية و تبرير غيابى طول الفترة دى و عاجبنى جدا التشبيه اللى فلتيه بأنهم جراد العالم لأنه كان فى دماغى بس اجلت استعماله لمرة تانية استنينى قريب فى الجزء التانى

Unknown يقول...

هما زى ما بتقول يا محمد بتوع لما نحب نكلم ضعب مصر نكلم مين تابع حكايتهم معايا و انت تعرفهم اكتر

Unknown يقول...

انت اكيد يا احمد حتقدينى بتعليقاتك و يا ريت اقدر اتواصل معاك عن طريق الميل و المسينجر