الأحد، 8 فبراير 2009

اوروبا في العصور الوسطى الجزء الاول

اولا بعتذر عن انقطاع التدوين في التاريخ الفرعوني

ببوست عن العصور الوسطى بس البوست هيكون اهداء لروح محمد الفرس الملثم

وياريت اي حد هيقرا كلمه عن العصور الوسطى يدعي بيها لروح محمد الطيبه

************

اه ياجماعه ملحوظه صغيره مش اني بكتب عن اوربا في الفتره دي يبقي مصر مش كان عندها حضاره بالعكس

انا بس عندي مبدا

اني ادرس اي حضاره مهما كانت

لان اكيد اللي بناها مش جاهل بالعكس له منظور وعشان كدا قدر يوصل انه يبني حضاره تتدون في كتب التاريخ

بعد اما يموت واكيد دا هيفيد للي بيقدر واللي عاوز يفهم وجهه نظري هيعرفها من المثل اللي قلته هنا

كانت كلمة العصور الوسطى بتتقال علي اخر 10 قرون بين سقوط الامبراطورية الرومانية وظهور حركة النهضة الايطاليه

يعني بين منتصف القرن الخامس والقرن الخامس عشر

بس بعد بقي اما الوقت عدي وازداد التقدم التكنولوبيا في القرن 11

فاعتبروا ان الفتره بين القرنين الخامس والحادي مرحله انتقاله من العصور القديمة الى العصور الوسطى .

وفي مؤرخين بصراحوا اجتهدوا في تحديد بدايه العصور الوسطى وحددوها من 476 م ودي السنه اللي سقطت فيها الامبراطورية في الغرب واختتموها بسنة 1453 م ( السطروقع مني وانا بكتبه ياجماعه )

يعني نفس السنة اللي سقطت فيها القسطنطينة

بس بصراحة يعني ومن الاخر مش في حد يقدر يقول السنه دي عصر قديم والسنة دي عصر جديد ورايي في ده

يعني انا النهارده عصر معاصر وبكرا بقي احداث جاريه مش ينفع

لكن اللي بيقول اننا في في عصر وسيط وعصر معاصر وخلافه مجموعه احداث حصلت وكونت عصر بصفاته ومميزاته

وعيوبه لان اي حضاره في الدنيا بتكون هرم يفضل يطلع يطلع يطلع وعند القمة لازم يبدا ينزل ويسقط

************
ماحلينا نيجي لام هند

حضارة اوروبا في العصور كانت كوكتيل كدا بين الرومان من ناحية وبين العناصر البربريه

وكانت الامبراطورية الرومانيه اعظم وحدة حضاريه وسياسية عرفا التاريخ ووصل اقصي اتساع ليه في عصر تراجان 98-117 م

كانت تمتد من المحيط الاطلسي غربا حتى الفرات شرقا.

شايفه سوال في عيون اللي بيقرا الكلام دا ليه انا قلت انها اعظم وحدة حضاريه سياسية

هقوووووووولكم

كذا حاجه اولها قوة السلطة المركزية وبيها قدرت تسيطر بيد حديدية علي كوووووول المساحات اللي في الامبراطوريه

وعلي الشعوب رغم تباين حضارتها زي المصريين واليونانين والغاليين والجرمان

تاني حاجه بقي البحر المتوسط ساعدها بشكل رهيب في ربط كوول اجزاء الامبراطورية

كمان الانهار الداخليه ربطت اطراف الولايات وكمان الطرق المعبدة اشتهرت بيها حضارة الرومان


وووووووووووووووووو اشوفكم بقي في الجزء الجاي عشان نكمل بقيت الحوكاية :)

هناك 21 تعليقًا:

مهندس مصري بيحب مصر يقول...

قصدك سقوط روما و إنهيار الإمبراطورية الرومانية الغربية على يد قبائل الهون و زعيمهم اوتيلا
مش القسطنطينية

Kiara يقول...

سوري دا في سطر نسيت اكتبه وهو النهايه كانت سقوط القسطنطينيه 1453

و البداية هي 476 سقوط الامبراطورية في الغرب

معلش عنيا اتحولت وانا بكتب

Butterfly يقول...

المدونه دى عجبانى جدا
وكنت بدخلها فى كل بوست جديد أشقر عليها بس
أصلى مش بحب التاريخ :oops:
بس أنا أول ما شوفت العنوان عرفت ان انتى كتباه عشان خاطر محمد الله يرحمه فدخلت عشان أترحم عليه بس :(
وعلى فكره أنا مكنتش أعرفه خالص ولا حتى كنت بدخل على المدونه بتاعته غير من البوست الأخير فى المدونه التانيه .
ربنا يرحمه ويرحم أموات المسلمين جميعا .

Kiara يقول...

ربنا يرحمه

انا فعلا كتباه عشانه

محمد كان حد طيب اوي فوق ماتتخيلي

ربنا يرحمه

نورتيني ياقمر

romansy يقول...

ياه اخيرا احييتيها من جديد يا نفريتيتى
انا كنت قربت انسى التاريخ
بس الحمد لله

الله يرحمه يا كيارا ويرحمنا
ويدخله جناته يارب

Kiara يقول...

نفرتيتي مله واحده يااحمد

تب قول نث نفرتيتي ولا ايه :)

انا فعلا بقالي شهر مشغوله عن المدونه دي

بس مش هيون فيه غياب باذن الله وكل اسبوع ان شاء الله هنزل بوثت حلو كدا :)

وميض ابتسامة يقول...

كيارا

انا نفسى اسمع واقرأ عن تاريخنا .. اكتر من اى تاريخ تانى ... مجرد امنية؟

اللهم ارحم موتانا وارحم الفقيد الفارس محمد .. آمين

Kiara يقول...

ان شاء الله هكمل التاريخ الفرعوني بس هخلص ملخص العصور الوسطى لاني عملاه لروح محمد

ومش تقلق هحاول اني انزل البوست كل 3 ايام عشان ارجع للفرعوني تاني

حلو كدا :)

صوت من مصر يقول...

الكلام ده كله حدث فى مدينه الشرقيه الى هى جنب تركموستان بتاعت عزبه النخل ؟

غير معرف يقول...

اللهم أغفر له و ارحمه و أسكنه فسيح جناته

كويس أنك أتكلمتى عن اوروبا عشان أنا كنت عايزة اعرفها

أقولك على سر....على قد ما أنا بحب اتابع المدونة دى إلا أنى مضايقة جدا إنى بقيت أقرا فى التاريخ بسببك D:

أصلى بجد مكنتش بحبه خالص و مكنتش احب إنى أحبه :)

غير معرف يقول...

سورى

قصدى اسكنه فسيح جناتك :)

ولد مصري يقول...

ربنا يرحم الفقيد ويجعل مثواه الجنة مع النبيين والشهداء والصالحين

المعلومات هايلة كنا درسناها قبل كده وللاسف اتنست كلها

تحياتي

Mkjwe يقول...

انا مش عارف لية اهتمامك بالعصور الفرعونية ولا العصور الوسطى والحاجات بتاعت زمان دي ’ يعني الواحد اذا تذكر شيء في هذا الخصوص اوك يكون جميل جداً , بس انا ملاحظ ان اهتمامك واسع جدا بخصوص الماضي ومش بتفكري في المستقبل؟ عن اي حاجة للمستقبل تكون حلوة ومفيدة لينا ولأولادنا يعني كدة ظبطي

Kiara يقول...

صوت من مصر

**************

هو دا بالظبط :)

Kiara يقول...

انا ودماغي

**********

اللهم امين

هههههههههههه طيب يعني اكمل اوروبا ولا ارجع فرعوني ؟؟


كداااااااا هزحل منك ياشقية انتي لازمن تحبيه مدام صبحتك بتحبه ايه العلاقه مش حارفه

Kiara يقول...

ولد مصري

*************
اللهم امين

هي فعلا معلومات درسناه قبل كدا بس محتاجه لتذكره :)

Kiara يقول...

L0vElYGh0sT14

**************

وانا في يوم كنت بزاكر لحد التاريخ بتاع الثانوية العامه قلتله في الاول

فايده التاريخ ايه قالي دش ووجع دماغ وهروب من الحاضر ليه

قلتله ايه الفرق بينا احنا كانسان وبين الحيوان قالي العقل

قلتله تمام دلوقتي انت تخيل انك مزارع وعندك حمار حفظته طريق انه يروح غيطك وبعدها البيت بتاعك لوحدك

قالي اه

قلتله الحمار ده مات واشتريت واحد جديد

هل هيتعلم جديد عن اللي قبله بمعني (هيبقي عارف الطريق من غير ماتقولهوله ويكمل بقي حفظ مكان المطحن ولا تبدا تعلمه من اول وجديد)

قالي بعلمه من اول وجديد لانه مش هيكون عارف اللي اتعلمه الحمار اللي قبله وبعدها سكت للحظات

قلتله وصل هدفي

قالي انتي تقصدي ان الانسان الذكي لازم مش يكون زي الحمار يبدا من اول وجديد

ياخد اللي قبله وصله ويزود عليه تطور جديد عشان يتقدم صح

قلتله بالضبط ناخد اللي وصله قبلنا والا هنفضل طول حياتنا منعرفش الا حاجات بسيطه جدا ومفيش اي تطور


عرفت بقي ان تدوين التاريخ هو خدمة للمستقبل


وهقولك تعريف انا عملاه للمدونه

كان ياماكان كان في زمان

ناس كتير حلموا بالحياه

والحياه مش بالاماني

فاتحدواوكونوا حياه خاصه بيهم

.وفي ايام زمان بنقول ايه هي حياتهم

اللي عملوها

يمكن في يوم نلاقي جيل

بيقول نفس الكلام وبيبني حيااااه من جديد

ذو الوجه المبتسم يقول...

ازيك اجمل كيارا
انا جيت اطمن عليكى
وحشتينى بجد
موضوعاتك دايما جميلة ومفيدة
ربنا يزيك من فضله
تقبلى مرورى

Kiara يقول...

ربنا يخليك يارب بس انا اه مش بكتب بقالي فتره في ايام زمان بس بكتب في عالم مولان :)

Unknown يقول...

و الله انتى حظك حلو انا واحد من المهتمين بالتاريخ و درسته فى الكلية و فى نفس ذات الوقت ابقى زميلك فى مدونة صور

و يا ريت اقدر اشاركك فى مدونة ايام زمان لأن نفسي و منى عينى اكتب عن التاريخ

Unknown يقول...

شكرت على مشاركتك فى مدونتى و ادينى اهو بزروك تانى و بديلك بيانات سرعة عنى عشان تبعتيلى دعوة
انا عماد دياب من اسكندرية و خريج تربية تعليم اساسى علوم برده اسكندرية ( شوفى الصدف ) و ايميلى emad03d@gmail.com
و بإذن الله حسند معاكى فى التاريخ الاوروبى و التاريخ الاسلامى خصوصا علاقات العالم الاسلامى بأوروبا و ان كنت حجنح ناحية السياسة غصب عنى احيانا فى الكلام
برده التاريخ الحديث خصوصا فترة الحرب العالمية التانية حتلاقينى حاضر
معرفش ليه التاريخ الفرعونى تقيل على قلبى يمكن عشان درسته بطريقة مهليتنيش احبه بس صدقينى مش سهل ابدا فخدى بالك و تيكير و انتى بتنقلى من مصادرك و ربنا يوفقك