الاثنين، 8 ديسمبر، 2008

الطب في مصر القديمه



اولا اسفه علي التاخير اعتذارتي كترت انا عارفه

ثانيا المفروض كنت انزل بوست الرياضه الاول بس انا بدور علي الورق كل ده ومش لاقياه

هستني لما الدنيا تروق عشان اعرف ادور براحتي ندخل في البوست

**********

طبعا ومن غير مااقول الطب ايه مكانته

فهو كان له اهميه كبيره اوي في مصر القديمه


لدرجه ان ذكر في الاوديسا ان مصر بلد الاطباء احكم اهل العالم


**********
ارتبط الطب بالعديد من الالهه الحامية ....

فقد عرف ايزيس براعتها في السحر والطب

فقد عالجت حورس من جراحه وشفت رع من الم بالرأس

كما ان تحوت اله الاطباء والكتبه نسب الية اليونان اختراع الطب والصيدله

وسخمت كانت راعيه للاطباء والجراحين

*******

اشهر مدارس الطب في مصر

كان للطب مدارس خاصه ملحقة بالمعابد

اشهرهم هما مدرسة عين شمس وصا الحجر ومنف

وكان الاطباء يترددون علي مدرسة منف حتي ايام الطبيب جالينوس في القرن الثاني الميلادي

ومن الاطباء اثوثيس كان طبيبا ووضع كتبا في الطب ظلت موجوده حتي ايام مانيتون اي بعد تاليفها بحوالي 2800 سنه


**********

طيب دلوقتي عرفنا المدارس والاله الخاصه بالطب طيب نيجي بقي نشوف التخصصات اللي كانت عندهم

هي بالتاكيد مش ذي دلوقتي بس تعالوا نشوف

وصل لايدي الباحثين برديات طبيه توضح ان مصر عرفت عده فئات



من الاطباء كما تدلل علي وجود تخصصات دقيقه بين هؤلاء الاطباء




كان يوجد الطبيب البشري والطبيب البيطري والطبيب الكاهن او الساحر ( وده كان بيستخدم السحر كنوع من انواع الايحاء النفسي للشفاء )



والطبيب العالم ومع ذلك كان فيه اطباء بتجمع بين البشري والبيطري والكاهن والعالم في ان واحد



**********


وكان طريقه العلاج زمان زي دلوقتي الطبيب بيشخص المرض وبيعرف الداء وبيصف الدواء للمريض



اللي احيانا بيكون جراحه كانت بتعتمد علي المهاره اللي هي ثمره التجربه والخبره ودراسه وظائف الاعضاء



واحيانا بيكون رقي وتعاويذ سحريه



واحيانا بيكون عقاقير مختلفه اغلبها من مواد نباتيه والقليل من اصول حيوانيه ومعدنيه



وتم التعرف علي بعض هذه العقاقير ولم يتم اكتشاف البعض الاخر



العقاقير النباتيه ( الجميز والخروع والخس والخشخاش والرمان والحلبة )



القاقير الحيوانيه ( الكبد والمراره والدهون )



وكان الاطباء يعدون العقاقير بانفسهم ونادرا ماكانوا يسجلون وصفاتهم الطبيه في تذاكر طبيه يقدمونها للمرضي





***************



تم العثور علي برديه ايبرس الطبيه وورد بها وصفه لعلاج دودة الاسكارس التي اسموها "شعد حفات"




كان الدواء عباره عن نبات ايسو يخلط بنسبه 1/64 مع نبات شامس بنسبه 1/4 ويعجن الخليط بعسل النحل




ثم يؤكل مع ترتيل التعويذه الاتيه "فكت الاثقال وذهب التعب "




وتكشف هذه البرديه وغيرها من البرديات الطبيه بالاضافه الي الفحوص التي اجريت علي المومياوات




عن ان المصري قد شخص وعالج الكثير من الامراض




* الباطنية والنسائيه والجلدية




*واحاط علما بامراض الاسنان والعيون وامراض العظام




* وبعض العمليات الجراحية




*وكان لديه خبرة بوظائف الاعضاء والتشريح




تلك الخبرة التي اكتسبها بفضل معرفته للتحنيط



كمان لما كنت بزور المتحف كنت شفت لوحه مرسوم عليها احدي العمليات الجراحيه لاحد السيدات




انا عارفه ان البوست دسم شويه بس والله حاولت ابسط معلوماته علي قد ماقدرت











هناك 27 تعليقًا:

أحــوال الهـوي يقول...

بنوتي الحبيبة
مين فهمك اننا محتاجين تبسيط المعلومات اكتبي المعلومة المؤكده وخلاص

اسمعي ممكن تدخلي علي الربط ده و تقوللي رايك عن الكلام المكتوب فيه


http://www.ossama-alsaadawi.com/_private/main.htm

خدمة من الباحثة في التاريخ

تحياتي

مولان يقول...

بابتي الغالي
الرابط بجد محتاج وقت كتير عشان اقدر اقراه وكمان اقارنه بالمعلومات اللي عندي اصل مواقع النت كتير بتنزل معلومات غلط للاسف والناس بتاخدها امر مسلم بيه

ولازم ابسط المعلومه عشان مش كل اللي بيزور ايام زمان حابب التاريخ في ناس مش بتحبه ولازم احببها فيه

طالب ثانوى يقول...

اولا بوست جميل جدا يامولان

بس مش عارف لازم تقوليلنا اية رايك فى كلام اسامة دة

مولان يقول...

الحمد لله ان البوست عجبكك
وحاضر هقول رايي

لاني مش مرتاحه برده للشكل العم بتاعه

أحــوال الهـوي يقول...

انا كنت متاكد انك شخصية ناضجة و ردك يؤكد هذا لانك اصبت الحقيقة بان النت فيه الكثر من المعلومات الخطأ و المتعمدة لاضلال الناس
الان تاكدت ان الاستعانة بك في هذا الموضوع كان قرار صائب لانك لم تهللي و تفرحي كنت من الحنكة و الدراية ان تقرري ان تدرسي و تتحري قبل ابدا الراي

هي دي بنتي

تحياتي

مولان يقول...

بالنسبة بقي للمقدمه

هو بيقول ان في برديه اكتشفت 1999 بتقول ان اللغه غلط

انا خريجه 2006 ودارسه هيروغليفي علي مدار 3 اعوام

وكانت الدكتورة بتروح معانا المتحف المصري وكنا بنقري اللي علي الجدران

غير اني كنت انا وصحبتي بناخد درس في الهيروغليفي عشان ندعم الكليه ونقدر نستخدم الهيروغليفي بشكل ممتاز زي مابنستخدم العربي وبقيه اللغات الحيه

ولا سمعت كلام من ده خالص ده بالنسبه لجامعه عين شمس

بعد التخرج اخدت درس من دكتوره في كليه اثار جامعه القاهره كان 2007 وبرده مفيش اي معلومات من الكلام ده

كمان انا اينعم الماستر مش في التاريخ الفرعوني بل في التاريخ الحديث لكن بنزل المكاتب وبقرا مشفتش اي كلام من ده

خاصه ان اي اكتشاف في التاريخ بالذات لازم الابديت دايما الكلام ده انا اول مره اسمع عنه وكلام غلط طبعا مش صح

مولان يقول...

انا كنت متاكد انك شخصية ناضجة و ردك يؤكد هذا لانك اصبت الحقيقة بان النت فيه الكثر من المعلومات الخطأ و المتعمدة لاضلال الناس
الان تاكدت ان الاستعانة بك في هذا الموضوع كان قرار صائب لانك لم تهللي و تفرحي كنت من الحنكة و الدراية ان تقرري ان تدرسي و تتحري قبل ابدا الراي

هي دي بنتي


************

انا صحيح بهزر وهبله وعبيطه وحاجات كتير كده بس وقت الجد بتلاقيني جد يابابتي

مولان يقول...

مين اسامه اصلا دكتور في ايه

احنا عشان نقدر نطلع كتاب كدا وينزل ويعتمد من الجامعه

لازم اكون واخده الدكتوراه ومش بس كده لا ويكون فات عليها 5 اعوام

مين بقي هو اسامه مش كاتب هو مين ليه اسم وبس

أحــوال الهـوي يقول...

انا بنوتي مش هبلة و لا عبيطة دي لذيذة و ظريفة
و اول مرة اعرف انك شغالة في الماستر

تعرفي تجولت في المدونة و حسيت ان الكلام اخطر من وجوده في جانب مظلم غير معروف و النظريات الموضوعة تمس الانبياء و بين السطور شئ لم ارتاح له و لم اعرف ليه

شكرا لاهتمامك و مثابرتك

تحياتي

قصيدة يقول...

موضوع جميل يا مولان
اعتقد أن الطب فى مصر القديمة كان متقدم جدا. أنا استمتعت بما كتبتيه جدا.
على فكرة أنا عملت لك 2 بوست جداد أول يوم العيد مخصوص بعنوان
1- استودع الله لى قمرا
2- تعليق على ما يحدث
رأيك يهمنى

قصيدة يقول...

لأننى طماعة.
و لأنك كريمة.
كان لدى استفسار هل لديك معلومات عن أمراض القلب لدى الفراعنة؟
تحياتى......

مولان يقول...

أحــوال الهـوي

**********

انا بنوتي مش هبلة و لا عبيطة دي لذيذة و ظريفة

-------

ربنا يخليك ياباتي لكلامك ده
--------
و اول مرة اعرف انك شغالة في الماستر

-------
معقول يبقي ممكن لانك مش كنت متابع ضي القمر من زمان

انا كدا زحلت بقي عاااااااااااااااااااااااا

لا انا فيها وتخصصي التاريخ الحديث وكتابتي للفرعوني لاني بحبه اوي وبحب التاريخ الاسلامي كمان جدا

---------

تعرفي تجولت في المدونة و حسيت ان الكلام اخطر من وجوده في جانب مظلم غير معروف و النظريات الموضوعة تمس الانبياء و بين السطور شئ لم ارتاح له و لم اعرف ليه

----------

انا من اللينك بجد اتحرق دمي علي الاخر بجد اسلوبه كمان مستفز

اقرا الملحوظه اللي كتبها في المقدمه وانت هتعرف تفكيره

--------

مش عارفه اقولك ايه يابابتي لكلامك الجميل ده

مولان يقول...

قصيدة كلاكيت اول مره

********
الحمد لله ان البوست عجبك ياقمر

وميرسي اوي للبوستين انا قريتهم بجد الموني اووووووووي

مولان يقول...

قصيدة كلاكيت تاني مره

******

ههههههههههههههههه امراض القلب انا مش قريت عنها لكن لما العيد يخلص هنزل المكتبه واقولك معلومات عنها واطمعي براحتك انتي في مدونه اختك يعني مدونتك

تحياتي

جنّي يقول...

تدوينة جميلة

ياريت الجماعة المبهورين بالغرب يقرأوا عن عظمة المصريين وتقدمهم العلمي ومش بس المصريين كمان العرب والمسلمين كالرازي والحسن بن الهيثم وابن النفيس وابو المنصور وابن سينا وابن البيطار والغساني وغيرهم الكثير والكثير ..

تحيتي

مولان يقول...

ياااااااريت والله بجد يعرفوا اننا مش اي كلام

بس الاهم اننا نستفاد من الماضي في الحاضر والمستقبل ومش نبكي علي الاطلال من غير مانعمل اي شي

قصيدة يقول...

I did this post for you
http://tabibqulob.blogspot.com/2008/12/fever-in-heart-in-ancient-egypt.html
hope you and your visitors enjoy
Dr Qasida

مولان يقول...

I understand u want to know what next week will be going to the Library Search on heart disease in ancient Egypt


thanks

أحمد سعيد بسيوني يقول...

احكم اطباء العالم

فلنفخر بهذا

مولان يقول...

فعلا لازم نفخر بهذا لكن مش ننسي الحاضر

ياقوت يقول...

لو م أولد مصريا لوددت ان اكون مصريا

مصطفى كامل

مدونة رائعة

ذات النطاقين يقول...

شكرا علي المقال المفيد

المتبهـدلـون فـي الأرض يقول...

يااااااااااااااه


دا احنا كنا حلوين اهوه



ها ... كُـنّا... ولكن هل سنعود ؟؟؟

mohamed يقول...

انتى انسان جميل القلب طاهر النفس
-----------------------------------
عمو محمد

من غير عنـــوان يقول...

معلومات تاريخيه هامة
جميل أن نعرفها
فشكرا لك

** تيتو الحبيب ** يقول...

هاااااااااااااااااي

بوست جميل اوووووي


و دمت على كل خير و سعاده

** القــــلـــب المنـــكـــســر** يقول...

موضوع جميل كعادتك

موضوع جميل اوووي و الأيستايل رائع

دمتي بكل خير و سعاده

تحياتي

القلب المنكسر

happy new year