الجمعة، 5 سبتمبر 2008

حضارة مصر الفرعونيه الجزء الخامس



باقي الحياه الاقتصاديه

الاول انا نزلت عن الحياه الاقتصاديه (الزراعه وتربيه المواشي والصناعه)



التجارة الداخلية


نيجي للجزء المهمل من الحياه الاقتصاديه وهو التجارة


شايفكوا بتقولوا مهمل ليه وبتقارنو كلمه تجارة بالعصر الحالي انها اساس

للحياه الاقتصاديه

هقول لان بعض الاثريين زعم ان التجاره لم تذكر في النصوص المصريه.



طيب ليه انا قلت انه زعم عشان التاتي :

1- احنا عارفين ان الرحاله في الدوله القديمه كانوا يذهبون الي النوبه للتبادل التجاري

2- قصه الملاح الغريق في منكم اكيد يعرفها عشان كانت رحلته للتجارة

3- قصه الملاح الفصيح بتدل علي انه كان بيتاجر ببعض السلع من وادي النطرون

4- رحله بونت اللي كانت في عهد الملكه حتشبسوت كانت رحله تجاريه قامت بها بعثه ملكيه


يبقي ازاي بقي متزكرتش في النصوص ولا انتوا ايه رايكو




نكمل كلامنا يلا بس خلو بالكو مش معني كلامي ان التجارة كان ليها كيان واضح وبارز في النصوص المصريه القديمه كانت ضعيفه برده

نكمل بقي

كان التبادل التجاري في الاسواق المحلية يتم عن طريق المقايضه وتشير لنا نقوش الدولة القديمه الي قيام السوق الذي تدور المعاملة فيه علي المبادلة والمقايضه حيث كان الفلاح يتبادل الحبوب بالبيض او الطيور او الحلي ..... الخ مع فلاح اخر .

ومنذ قيام الدولة الحديثه اتسع نطاق الاسواق والمقايضه فشملت بعض البضائع المستوردة خاصه في المواني الكبيره بجوار رسو السفن وكانت الوحده التي تقوم علي اساسها المقايضه هي "وبن" وهي تساوي 91 جرام من النحاس.

كده انا خلصت كلامي عن التجارة الداخليه


طيب ماتيجو نشوف التجاره الخارجيه كان ايه نظامها



في عهد الدولة الوسطي توطدت العلاقات بين مصر والبلاد الاخري كسوريا والنوبه وليبيا .

وفي عهد الدولة الحديثه اخذت الاساطيل البحريه تجوب البحرين وتعود بسلع ومواد لم تكن معروفه من قبل .

فقد اتي المصري القديم بالقردة والعاج وخشب الابنوس وجلود الفهود من النوبه ,وخشب الارز من لبنان ،والبخور من بلاد بونت ، والكحل والعطور من فلسطين وغيرها من سلع البلاد الاخري .

وعلي فكره التجارة الخارجيه ماثرتش علي الحياة المصريه بس لا دي اثرت في باقي الاقطار الاخري

حيث بدات التجارة المصريه ومصنوعاتها تنتقل الي البلاد الاخري وبدات الشعوب الاخري التي اتصلت بمصر تأخذ من حضارتها وتتطبع بالطابع المصري

وقد ادت هذه التنقلات التجارية بالطبع الي التبادل التجاري والحضاري بين مصر وهذه الدول.


وبكده خلصت الجزء وموعدنا مع الجزء القادم عن وسائل المواصلات الله هما كانو بياخدوها كعابي ولا ايه

هناك 61 تعليقًا:

عتبة واحد يقول...

النوبة مصرية ومينطليش عليكى كتب التاريخ
داحتى نص السودان الشمالى كان مصري

romansy يقول...

حتى التجارة مسبتيهاش
كدة فاضل اية بقى
مواصلات ....المرة الجاية

يبقى اية اللى فاضل
فاضل تعرفى
الراجل اللى ساكن جنب الهرم اسمة اية

مش بقوللك

كيارا .... قاموس المعرفة

كـــيــــــــارا يقول...

عزيزتي اولا

جزء من معلومات البوست ده مصرها دكتوره عواطف حماده ولو حبه تعرفي كافه المصادر انا اكتبهالك

ثانيا

انا مذكرتش ان النوبه مش مصريه
راجعي حديثي اني ذكرتها داخل التجاره الداخليه
وفي الخارجيه ذكرت نوع السلعه اللي بتتجاب منها

لكن اسمحيلي كلامك فيه نوع من الاتهام وليس النقاش

منتظره تفسير حضرتك لكلمه

"ومينطليش عليكى كتب التاريخ"

انا مش فاهماها حضرتك

وده اقتباس من ويكبيديا

ادي النيل الأعلى لم يكن قد عرف بعد الكيانات البشرية المتطورة في تلك الحقبة البعيدة من التاريخ عندما نشأت حضارة المجموعة الأولى كما يبدو من آثارها المنتشرة في المنطقة عندما إحتلت جزءا من وادي النيل امتد من جبل السلسلة ( في مصر العليا ) شمالا وحتى بطن الحجر عند الشلال الثاني في الجنوب . وكان قدماء المصريون يسمون النوبة آنذاك تا سيتي أي ارض الأقواس نسبة لمهارتهم في الرماية ، و كانت بينهم نزاعات حدودية انتهت باحتلال النوبة للأجزاء الجنوبية من مصر العليا لفترة من الوقت . وساعد انتقال الخبرات النوبية إلى مصر على استقرار المجتمعات البشرية في شمال الوادي وتطورها مما كان له الفضل في قيام الممالك المصرية القديمة لاحقا

********
ياريت تقريه

كلمه تانيه لما تتناقشي تعرفي موضوع ايه اللي بيتناقش فيه
انا محدده اسم الموضوع
حضااااااااااااااااااااااره مش تاريخ

هناك فرق اختي العزيزه

حضاره انا مش بارخ فتره او دوله وده هتشوفيه في الاجزاء اللي تلي الحضاره

دي حضااااااااااااااره

شكرا لتعليق حضرتك ومنتظره حضرتك

لتفسير العباره اللي حددتها

ليكي من كلامك

شرفني تواجدك وردك مع ان فيه هجوم ليا

انا خريجه اداب تاريخ وبكمل دراسات عليا

يعني مش بحب التاريخ وبالف فيه
ولا اني هاويه قرايته وبكتب وخلاص

البوست اللي بينزل بيبقي متعوب فيه وهتقدري تعرفي ده من فرق التوقيت بين كل بوست وبوست

كـــيــــــــارا يقول...

رومنسي

مش موسوعه والله انا لسه علي ادي بس بحاول اعرف واقرا وازود معلوماتي

متابعه جيده يارومنسي
اخجلتني بكلامك

تحياتي

Abu Shahin يقول...

احب اسجل اعجابى مرة تانية باسلوبك المتواضع وعدم التعالى بسبب معرفة المعلومة وايصالها فى شكل وجيز

ياريت كتب التاريخ تبقى بالبساطة
العيال كلها هاتحب التعليم

تحياتى

كـــيــــــــارا يقول...

الحمد لله ان اسلوبي نال اعجاب حضرتك
وربنا العالم انا كل هدفي من المدونه هو ان في كتير بيكره التاريخ وانا حابه اقولهم التاريخ جميل اوي

لكن لو علي التعقيد سهل اوي اعقد المعلومه وساعتها انا هخسر ان كتير مقراش الموضوع واستفاد وغيري هيخسر انه مش عرف حاجه ممكن تفيده بعد كده

من ليس له تاريخ فلا مستقبل له

اشكرك لزيارتك مره اخري للمدونه

ويارب افضل عند حسن ظن حضرتك

rommantic يقول...

على فكره انا مصوم ومنبهر لان فى حد غيرى مهتم بالتاريخ
تحياتى
اه من حق انا اداب تاريخ
سلام

كـــيــــــــارا يقول...

اششششششششششطه طيب خليك معايا في المدونه بقي

ده اللي بيحبوا التاريخ نادرين موووت


ويارب تكون المدونه عجبتك ويارب مش تكون اخر زياره

فارس بلا جواد يقول...

السلام عليكم
رمضان كريم
ومعلومات مفيده
تحياتى

كـــيــــــــارا يقول...

كل سنه وحضرتك طيب

وشكرا لزيارتك المدونه

نورتها بالفعل

اتمني مش تكون اخر زياره

تحياتي

romansy يقول...

صدقينى دا حقك
قليل من الناس هما اللى بيدورا
على تاريخ وحضارة بلدهم
ربنا يوفقك
واتمنى لك الكتير دايما

كـــيــــــــارا يقول...

ربنا يخليك يارومنسي

صدقني كتير بجد عليا

ربنا يخليك يارب لكلامك وتقديرك ليا

DINA ABBAS يقول...

كيارا

مدونتك بجد رااااائعه واسلوبها جميل جدا

انا بحب التاريخ جدا وان شاء الله هبقى

زائره مستديمة فى عالمك

دمتى بحب

كـــيــــــــارا يقول...

هيييييييييه حد كمان بيحب التاري خاهو


ده اكبر شرف انك تكوني زائره دائمه لايام زمان

كل سنه وانتي بخير

EMMY BABY يقول...

جزاكى الله خيرا بجد والله اطلاعك رائع

كملى كملى

ربنا معاكى

منتظرين المواصلات

وتعالى خدى ليكى تاج عندى

تحياتى

ايمى

كـــيــــــــارا يقول...

ماشي ياقمر ومنتظراكي في كل جزء

وميرسي انك افتكرتيني في التاج

بس حليييييييته قبل كده :)

غير معرف يقول...

يا عينى يا عينى و الله معلوماتك جميلة أوى و اللى أجمل أنك بتقوليهلنا عشان نعرفها معاكى.....و الله الحضارة المصرية دى طلعت رائعة اوى ( أنا آخر معلوماتى عنها كانوا الهكسوس و احمس اللى عمل العجلة و الآلهة بتاعتهم بقى)


ربنا يوفقك فى دراستك و مستنين الجزء الجديد

كـــيــــــــارا يقول...

:)) الهكسوس ياقمر هتكلم عنهم لما ابدا سلسله تاريخ مصر الفرعونيه لسه بدرررررري اوي عليها يعني

اما الحضاره الحمد لله انها عجبتك بجد فرحااااااااانه اووووي

تسلمي ياقمر علي المتابعه الهايله

عايش... ولكن !!!! يقول...

كيارا
انا كل ما اقرا موضوع ليكى
بتحسر على اللى احنا فيه
يعنى حتى التجاره زمان كانوا فالحين عننا فيها

كـــيــــــــارا يقول...

:)) كانوا فالحين في كلوووووووووووو

كمان انا ذكرت ان التجاره كانت مهمله عندهم شويه

ومش تتحسر شوف التعريف بتاع المدونه ايه وهتعرف ليه هما وصلو لكده وازاي احنا نوصل لده

متابعه رائعه اتمنالك التوفيق

بس سوال ليه مش بتزور ضي القمر المدونه الاساسيه ؟؟؟

Hossam يقول...

hello
ur blog is gr8
بجد تحفة انك بتتكلم فى حاجة مهمة
فكرتنى بايام التعليم المصرى وحصة التاريخ اللى بفتقدها
هو اه الممنهج الامركيى بيتكلم عن مصر كانها من اعظم الدول وليها مكانتها فى الكتب الامريكة بس ده طبعا لسبب ما
بس انا برده مفتقد حصة التاريخ اللى بالعربى
شكرا انك رجعتنى للايام دى تانى
سلام

كـــيــــــــارا يقول...

حصه التاريخ العربي

يااااااااااااااااه اد كده مشتاق لها

طيب تابع بقي معايا

متتخيلش ردك اسعدني ازاي خاصه اني حسيت انك مشتاق بالفعل لده

تحياتي

MATRIX يقول...

اسلوب متواضع جدا ..

لاسف موش عارف اقول ايه ..برده حنتكلم على الحضارة ؟؟

كـــيــــــــارا يقول...

شكرا لمرورك بين طيات مدونتي

كل سنه وانت طييييييييييييييب

لكن كلمه بره احنا هنتكلم عن الحضاره ؟؟؟

هرد عليك بتعريف مدونتي ..


كان ياماكان كان في زمان .. ناس كتير حلموا بالحياه.. والحياه مش بالاماني فاتحدواوكونوا حياه خاصه بيهم.. .وفي ايام زمان بنقول ايه هي حياتهم اللي عملوها يمكن في يوم نلاقي جيل بيقول نفس الكلام وبيبني حيااااه من جديد

****
من ليس له تاريخ لا مستقبلا له

شرفني تواجدك

كل سنه وانت طيب

Blue Nile يقول...

كيارا ازيك
ايه المجهود ده
ربنا يباركلك بجد
ادينا بنعرف حاجات عن بلدنا وانا بحب التاريخ جدا
مدونتك جميلة وميهمكيش
تحياتي

كـــيــــــــارا يقول...

ربنا يخليك ياااااااارب لكلامك
ويخليك رافع منعوياتي

ميرسي اوي لكلامك


تحياتي

Nabil يقول...

السلام عليكم
ده اول مرور وبجد كان فايتنى كتير وكمان انا مهتم بالموضوع .شكرا علي المعلومات المفيده
تحياتى

كـــيــــــــارا يقول...

نورت ايام زمان وان شاء الله مش تكون اول زياره

ومش فاتك كتير ده الجزء الخامس

اتمني المتابعه الدائمه
وجميل انك مهتم بالموضوع ده

تحياتي

باجوجو يقول...

إيه المدونة الفرعونية الجامدة دى
أنا كنت بحب التاريخ بس للأسف دخلت علمى
وحاولت أحصل على كتب تاريخ وكان أملى أعرف تاريخ مصر القديم والحديث
بس مع مدونتك أملى ممكن يتحقق
بس أسلوبك رائع
ليه مفكرتيش تجمعى تاريخ مصر بالتحليل الدقيق دا
أنا فعلا فهمت التجارة منك كويس
تقبلى تحياتى

كـــيــــــــارا يقول...

ربنا يخليك لكلامك يارب ده شهاده ليا
********
وحاولت أحصل على كتب تاريخ وكان أملى أعرف تاريخ مصر القديم والحديث

****

تابع معايا بقي اقرا الافتتاحيه بتاعت المدونه وهتعرف الخطه اللي ماشيه عليها

********
بس مع مدونتك أملى ممكن يتحقق
بس أسلوبك رائع
*******
ربنا يخليك يااااااارب
********
ليه مفكرتيش تجمعى تاريخ مصر بالتحليل الدقيق دا
******
بالفعل ده هيتم بعد انتهاء الحضاره

*****
أنا فعلا فهمت التجارة منك كويس
تقبلى تحياتى

*****

الحمد لله ان اسلوبي كان سلس ووصلك

لك كل تحيه ويارب مش تكون اخر زياره

بنت القسام يقول...

تسلمى بجد
المدونه بقت توحفه مصريه قديمه
ههههههه
تحياتى ياسكر

كـــيــــــــارا يقول...

ههههههههه

ده انتي اللي تحفه

تحياتي

عايش... ولكن !!!! يقول...

ضى القمر معرفش انها المدونه الاساسيه
مأخدتش بالى منها
بس خلاص هزورها حالا

كـــيــــــــارا يقول...

ضي القمر تتشرف بيك وبزيارتك ليها

تحياتي

غير معرف يقول...

ههههههههههههههههه
طب أنا مستنية الهكسوس

و بعدين انا بقا اللى مخمصاكى لأنى ضربت مشورا من مدونتى لحد مدونتك و لقيت البوست هو هو و أنا بقى و الصفحة بقى عمالة تفتح و أقول يا ترى كاتبه إيه دلوقتى كاتبه إيه دلوقتى
و الصفحة فتحت أقول يا ربى انا حاسة إنى شفت الكلام ده قبل كدة
بس برضه زى العسل و فرحانة أنى جيت تانى

بس مش تزعلى حبيتى ده أنتى من أكتر المدونات اللى بحبهم ؛)

كـــيــــــــارا يقول...

ههههههههههههههههههههه


تؤتؤتؤ عندك ضي القمر انا كل 3 ايام بنزل فيها بوست

زوريهاااااا ياعسل

البوست بتاع ايام زمان بياخد سوي شويه

اممممموه

Abu Shahin يقول...

مالقتش موضوع جديد

بس لقيت تصميم جديد للبلوج

ألف مبروك

كـــيــــــــارا يقول...

الموضوع الجديد تحت التجهيز

والله يبارك فيك يارب

بس انا علطول بنزل في ضي القمر

كمان مشغول بتجهيز حمله ضدد النميمه

ايه راي حضرتك تشترك فيها ؟

محمد فكري يقول...

بجد جاااااااامد الموضوع ده..
انتي عارفة...رغم اني مش بح التاريخ خالص ولا اي حاجة..
............
بس أسلوبك جميل بجد :)
.................
تسجيل حضور.. :)

وكل سنة وانتي طيبة

كـــيــــــــارا يقول...

ايوان ايوان سجل الحضور

انا سجلت امضاء الحضور :)


الحمد لله ان اسلوبي عجبك

كل سنه وانت وطيب

جنّي يقول...

السلام عليكم

كل عام وانتم بخير وصحة وعافية وعفو من الله وغفران

مدونتك رائعة لن تكون زيارتي الأخيرة

كـــيــــــــارا يقول...

وعليكم السلام ورحمه الله وبركاته

انا فرحت جدا جدا جدا بزيارتك دي

واتمني بالفعل انها مش تكون الاخيره

كل سنه وانت طيب

حنين.. يقول...

كيارا
والله انا مكنتش بدخل يا كيارا
بس كنت فا كراك
وكمان دعييتللك
واوعى تزعلى منى
دا اختك محتاسه من المطبخ للمطبخ
واحنا فى اجازه بقى وانتى عارفه
المهم
البوست بتاعك
عجبنى كا العاده
وطريقتتك حلوه زى كل مره
وبالله عليكى تشتغلى مدرسه
وتعرفى يا كيارا
(المقايضه حيث كان الفلاح يتبادل الحبوب بالبيض او الطيور او الحلي ..... الخ مع فلاح اخر .

نظام المقايضه دا كان ماشى لغيت قريب اوى
انا فاكره لما كنت بروح لستى, كانت بتدينى بيض اشترى بيه
بس دا من زماننننننننن اوى وانا صغنونه هههههههههههههه
يعنى كدا بقى ابقى من المصريين القدماء
اوعى تزعلى منى, واعزرينى
والله انا زعلانه منى خالص ومقطعانى لغيت ما ترضى عنى
دمتى سالمه يا روايه التاريخ
فى انتظار المزيد يا احلى استاذة تاريخ

كـــيــــــــارا يقول...

حنين..

هيييييه حنين هنا هنا هنا

كيارا
والله انا مكنتش بدخل يا كيارا
بس كنت فا كراك
وكمان دعييتللك
واوعى تزعلى منى

--------
عمري ماازعل منك ياقمر
----------
دا اختك محتاسه من المطبخ للمطبخ
واحنا فى اجازه بقى وانتى عارفه
المهم
البوست بتاعك
عجبنى كا العاده
-------

عجبك بس عشان انتي نورتيه ياقمريتي

---
وطريقتتك حلوه زى كل مره
وبالله عليكى تشتغلى مدرسه
------
ياااااااااريت هاتيلي مدرسه وانا اشتغل مدرسه
----------
وتعرفى يا كيارا
(المقايضه حيث كان الفلاح يتبادل الحبوب بالبيض او الطيور او الحلي ..... الخ مع فلاح اخر .

نظام المقايضه دا كان ماشى لغيت قريب اوى
انا فاكره لما كنت بروح لستى, كانت بتدينى بيض اشترى بيه
بس دا من زماننننننننن اوى وانا صغنونه هههههههههههههه
يعنى كدا بقى ابقى من المصريين القدماء

----------
انتي عندك كام سنه يابت شكلك من الفراعنه وانا معرفش
--------
اوعى تزعلى منى, واعزرينى
والله انا زعلانه منى خالص ومقطعانى لغيت ما ترضى عنى
-------
ياقمري كفايه طلتك
كفايه عندي بسمتك

مش تخاصميكيبقي لااخاصمك عشان مخصميكي

-----------
دمتى سالمه يا روايه التاريخ
فى انتظار المزيد يا احلى استاذة تاريخ

----------

ياكثوفي ياكثوفي انا راويه تاريخ وبجيب ربابه واقول حواديت

ياكثوفففففففففي من حنين ياناي

dina يقول...

الله
بجد الموضوع دا بأجزائه مهم جداااا...مهم اوى اننا نعرف تاريخنا و نرد على ناس فاهماه غلط او مش عاوزة تعترف اننا يوم كان عندنا حضارة
تحياتى

كـــيــــــــارا يقول...

بالضبط يادينا كلامك صح

بس احنا عندنا حضارات مش كان عندنا حضاره واحده بس

والحمد لله ان المدونه عجبتك

ابقي زوريني دايما

وان شاء الله يكون التواصل دائم بينا

تحياتي

Unknown يقول...

اه
احب مصر الفرعونية ومصر فى كل عصورها موضوع مميز
ربنا يوفقك

كـــيــــــــارا يقول...

نورتيني ياقمر وطبعا كلنا بنحب مصر في كل العصور

التميز هو انك نورتيني

تحياتي :)

الفارس الملثم يقول...

بداية كل سنه وانتي طيب ورمضان كريم مع اننا بقينا في نصه خلاص

معلومات قيمه اوي وفكرتني بتاريخ مصر القديمه اللي كنا بناخده في تانيه كليه اللي فاكر منه شويه تشاش ههههههههه اصلي خريج اداب قسم تاريخ, يلا كانت ايام مممممممم

تحياتي

عاشقة القمر يقول...

كل عام وانتي طيب والله معلومات مفيد جدا وقيمه

Amgad يقول...

انا كل لما بدخل هنا
بفتكر جو المحاضرات اللي كنا بناخده
في مادة اسمها تاريخ العمارة
كان ليها دعوة بالحاجات بتاعة زمان دي
وكل حاجه بيعملوها وارتباطها بالتخصص بتاعنا
انا بقول انك متمكنة اوي في الليلة دي
وحاولي تاخد خطوة قدام

كـــيــــــــارا يقول...

الفارس الملثم

بداية كل سنه وانتي طيب ورمضان كريم مع اننا بقينا في نصه خلاص

-----

وانت طيب يارب وولا يهمك ان شاالله يكون اخر يوم رمضان كفايه انك بنفسك بتقولها :)

--------

معلومات قيمه اوي وفكرتني بتاريخ مصر القديمه اللي كنا بناخده في تانيه كليه اللي فاكر منه شويه تشاش ههههههههه اصلي خريج اداب قسم تاريخ, يلا كانت ايام مممممممم

---------

هههههههههه وفكرتيني ليه مش فاكراها طيب دي حاجات جميله جدا
اتمني انها تكون مش اخر زياره

سعدت بزيارتك
تحياتي

تحياتي

كـــيــــــــارا يقول...

عاشقة القمر

كل عام وانتي طيب والله معلومات مفيد جدا وقيمه

---
وانتي طيبه

وميرسي جدا لزيارتك للمدونه ويارب تكون فادتك

تحياتي

كـــيــــــــارا يقول...

Amgad

-------
امجد ياقهلالا ياقهلا

نورتيني بجد

---

انا كل لما بدخل هنا
بفتكر جو المحاضرات اللي كنا بناخده
في مادة اسمها تاريخ العمارة
كان ليها دعوة بالحاجات بتاعة زمان دي
وكل حاجه بيعملوها وارتباطها بالتخصص بتاعنا

----------

جميل ان ايام زمان فكرتك بزمان وبذكريات زمان

------
انا بقول انك متمكنة اوي في الليلة دي

------

ربنا يخليك يارب ودي شهاده اعتز بيها

----
وحاولي تاخد خطوة قدام

----------

اخد خطوه ازاي ؟؟

------

نورتيني واتمني مش تكون اخر زياره

تحياتي
كيارا

غير معرف يقول...

أهلا يا خيارة
يللا يقى يا قمر عايزين نشوف وسائل المواصلات أحسن أطلع أوشاعة أنهم بياخدوها كعابى

كـــيــــــــارا يقول...

لااااااااااااااااااا بلاش اوشاعات من بكره الصمح بكره الصبح هتلاقي الجديد ان شاء الله

جاااااااااري الكتابه فقط ادعيلي بقي :)

انت تسال والكمبيوتر يجيب يقول...
أزال أحد مشرفي المدونة هذا التعليق.
لؤلؤة الاسلام يقول...

ما شاء الله المونة تصميمها راااااااااااااااائع


و شكرا لك على البوست لاجميل

و تحيااااااااااتى
تقبلى مرورى

كـــيــــــــارا يقول...

لؤلؤه هنا يامرحبا يامرحبا

نوووووورتيني بجد

وكلامك بجد بيرفع من منعوياتي

تحياتي ليكي

maxbeta3zaman يقول...

حضاااااره..(.سماااااااك.. بقوللك سماااك يابنى آدم سااماااك أنا عاوز سااامااك بكالااااه) نجيب لريحانى فى فيلم بتاع العقد مع القصرى ... المهم تهاتى مهما تهاتى كل واحد له دماغ ..هل كانت مصر مفتريه فى تجارتها الخارجيه مع جيرانها بسبب قوتها وتقدمها الحضارى؟ يعنى هل كانت تأخذ البضاعه فرده كده وبلطجه والا العدس بالفجل والجرجير بالخشب ...مبادله عين بعين يعنى ..أصل مصر كات أمريكة زمانها وعصرها بس عمرها ما غزت حد وهى الأقوى.. بل بالعكس الواغش جالها من الشرق ورحم الله احمس الذى هشهم هش المنشة للذباب

كـــيــــــــارا يقول...

هل كانت مصر مفتريه فى تجارتها الخارجيه مع جيرانها بسبب قوتها وتقدمها الحضارى؟

يعنى هل كانت تأخذ البضاعه فرده كده وبلطجه والا العدس بالفجل والجرجير بالخشب ...مبادله عين بعين يعنى ..أصل مصر كات أمريكة زمانها وعصرها بس عمرها ما غزت حد وهى الأقوى.. بل بالعكس الواغش جالها من الشرق ورحم الله احمس الذى هشهم هش المنشة للذباب

-------

الاجابه علي السوال ده هيكون في بوست كامل

انتظره بعد الحياه الادبيه اللي هنزلها

تحياتي