الأربعاء، 20 أغسطس 2008

حضاره مصر الفرعونيه الجزء الرابع





تابع الحاله الاقتصاديه

هنتكلم دلوقتي عن حاله الصانع المصري



كان الصانع حالته زي الفلاح حالته بائسه برده وان كانت حاله الصانع تدعو الي السخريه

فقال احد شعراء الدوله الوسطي عن صناع المعادن

ان الحداد لا يوفد كسفير لبلاده ولا يؤدي الصانع رساله ،كذلك وصف الحداد بانه يقف بجانب موقده واصابعه مثل جلد

التمساح ورائحته انتن من بيض السمك

اما النجار فهو مرهق في عمله دائم العناء

انا بكده عرضت وجهه نظر في العامل المصري

لكن انا شايفه انها نظره غير عادله خالص ده صناعتهم ونتاج عملهم لحد الان العالم كله مبهور بيها ومعني كده ان منتجات

العامل المصري عملها بشغف وحب ومكنش مجبور عليها

لاني اعتقد انه لو كان كاره العمل ده مكنش اخرج ايات في الصنع تعيش لالاف السنين

ده احنا لو لاحظنا اننا هنلاقي مصنوعات للعمال المصريين يعجز العامل الحديث عن صنعها

برغم الامكانيات المهوله اللي عنده



نيجي بقي للمواد الخام




وكانت المواد الخام نتيجه البيئه المحليه او مما يستورده من البيئات المجاوره ولو تاملنا كده هنلاقي ان اهم المواد الخام هي



البردي




كانت له استعمالات عديده ودخل في صناعات كثيره من ذلك ان سيقان البردي استخدمت في بناء الاكواخ وعمل القوارب والحصر

والسلال والحبال والنعال وكمان كانت سيقان البرده تجمع في حزم لتقوم مقام الاعمده عند تسقيف المنازل او عند رفع تعريشاتها

الخفيفه او لتقويه الجدران و استخدم كمان في عمل صحف الكتابه وايضا كانت زهره البردي تعتبر رمز للوجه البحري





الكتان

وجد في مصر منذ اقدم العصور بالنسبه لكثره المستنقعات وجادت زراعته لوفره المياه وقد استعمل في انواع مختلفه من النسيج منها

الخشن والرقيق والشفاف حيث نهضت صناعه الغزل والنسيج منذ اقدم العصور


كان الرجال يحترفون هذه الصناعه في معظم الاحوال وكانت النساء يقمن بها في المناسج العامه او يقمن بعمليه الغزل والنسيج

كعمل خاص يقمن به في منازلهم

وكانت الانوال المستعمله تتطور بتطور الزمن

ففي الدوله الوسطي

كانت ساذجه والعمل عليها مرهقا لانها تحتم علي النساج الجوس في هيئه القرفصاء

اما الدوله الحديثه

كانت الانوال من النوع المركب التي اتاحت شيئا من الراحه للصانع الذي يقوم بالعمل عليها

وتمثل علي جدران مقابر بني حسن وطيبه مناظر تمثل زراعه الكتان


وكانت الالهه نيت هي الهه النسيج




نيجي لمراحل الكتان






1/ جمع سيقان هذا النبات

2/تمشيطها بعد التجفيف

3/تغلي السيقان ليلين لحاؤها

4/تطرق بعد ذلك لازاله هذا اللحاء

5/ تندي الالياف بالماء

6/ تفتل بمغزل

وبعد غزل الكتان تؤخذ خيوطه للانوال لنسجه


الجلود



استخدمت الجلود في الصناعه منذ اقدم العصور وكانت الجلود المستعمله لاينزع عنها شعرهاالجميل مثل

جلود الفهود او الحيوانات التي كان جلدها اقرب الي الفراء مثل بعض انواع القرود التي يؤتي بها من بلاد بونت





استخدامات الجلود



استخدمت في عمل الملابس وكان الجلد يصبغ غالبا باللون الاحمر واحيانا اصفر او اخضر

واستخدمت في صناعه التروس والجعاب وعلب المرايا وصناعه اغطيه الراس والنعال والاحزمه والمقاعد

وقرب الماء وارضيه العربات والقفازات (مثل قفاز توت عنخ امون)





الاخشاب


لم تعرف مصر الانواع الجيده من الاخشاب حتي ان بعض الانواع المتوسطه كان يحافظ عليها بشده

واهم الانواع التي كانت شائعه في مصر هي الجميز زالدوم والاثل والسنط والنبق والصفصاف وكلها انواع غير جيده

اما الاخشاب الجيده فكانت تستورد من الخارج مثل الارز الذي كان يجلب من لبنان

اما البلوط والصنوبر فكان يجلب من سوريا واسيا الصغري وجنوب اوروبا

والابنوس من النوبه وبلاد بونت

النجار


من اهم الصناع في مصر يستعمل ادوات بسيطه من النحاس اوالبرونز يستعين في تثبيت اجزائها بسيور من الجلد مثل القادوم

والمنشار والازميل والمثقاب والمسحاه (الفاره)

شوفوا بقي اد ايه ادوات بسيطه وطلعت صناعات محدش عرف يطلعها باحدث اجهزه

وقد تمكن النجار من عمل المراكب والمركبات واجزاء المنازل والاثاث والاسلحه والتوابيت المطعمه بالعاج والابنوس وغير ذلك

واننا نجدان المراكب مقوسه من الطرفين

وقد توصل المصري الي تقويس الخشب بطريقه بسيطه للغايه

يضع عامود اسطوانيا في وسط القارب ينتهي من اعلي بفرعين يثبت بينهما حبل ويوصل طرف كل فرع بطرف القارب المقابل

له ثم توضع عصا في الحبل الوصل بين الطرفين وباداره العصا تضيق المسافه بين الفرعين وبالتالي يشد طرفاهما

طرفي القارب نحو الداخل



الفخار


ان حياه الاستقرار تطلبت ان يقوم الانسان بحفظ حاجياته وكان المصري محظوظا في بيئته لان النيل كان يجلب

الطمي في كل عام

فصنع منه الاواني اللازمه لحفظ اطعمته وكان يصنع تلك الاواني من الطمي دون حرقه

ويبدو ان صناعه الفخار في مصر لم تتاثر بمؤثرات خارجيه كثيره






تعالو نشوف مراحل صنع الفخار


عجن الطين

التعديل باضافه التبن والروث رالي ان يتماسك

تشكيل الاواني

التجفيف

التكسيه والصقل والتلميع



صهر المعادن


قد عرف النحاس والبرونز منذ اقدم العصور وسيناء هي المورد الذي جاء منه النحاس والبرونز

كان اكثر استعمالا لصلابته

وعرف المصري خلط المعادن

نحاس + صفيح=برونز

فضه+دهب= الكتروم

نحاس احمر+زنك=نحاس اصفر

ومن انواع الدهب(دهب مياه -دهب جبال -دهب بلاد النوبه)

كان يقسمه المصري حسب المورد

وقد بلغ اهتمام المصري بالدهب ان عملت التخطيطات والرسوم التي تبين موقع المناجم

نيجي بقي للحديد

كان مصدره سمائي اي من الشهب ولم يستخدم في الصناعه الا في عهد الدوله الحديثه عندما توصولو الي معرفه

طريقه استخلاصه وتشكيله وهو ساخن

وقد قصر استعماله علي رؤؤس السهام وبعض ادوات القتال واستخدم في العصر الصاوي في كثير من الاغراض

وفي صناعه الالات والادوات الزراعيه التي استعملت في الزراعه






الاحجار



استخدم المصري احجار كتريه

1- الحجر الجيري

بنيت به المعابد والمقابر والهياكل المختلفه كما نحتت منه التماثيل وصنعت منه الاوانيواللوحات وغيرها

2- الصوان

صنع الالات والاسلحه

3- المرمر

صناعه الاواني

4- الحجر الرملي

في البناء والتماثيل

5- الجرانيت

زينت به المعابد وعملت به المسلات والتماثيل والاواني وتكسيه الجدران






وبكده يبقي انتهي الجزء الرابع ونلتقي في الجزء الخامس وهتكلم فيه عن التجاره

هناك 75 تعليقًا:

Dr/Salma يقول...

السلام عليكم
هايل واضح أنك بتعشقي حاجة أسمها تاريخ .....إلي الأمام

كيارا يقول...

مش تخصصي يادكتور انت رديت قبل اما اخلص تنثيقه



اشكرك لردك

تحياتي كيارا

ahmed_k يقول...

أيه الجمال ده يا كيارا
والله معلومات قيمه جدا
مثلا كيفية تقويس القوارب
والمعادن المستخدمه ومصادرها
وإستخداماتها
فعلا معلومات مفيده ومهمه لكل مصري
ربنا يجازيكي خير

تقبلي خالص تحياتي

كيارا يقول...

احمد

الحمد لله ان البوست عجبك

وميرسي جدا لدعائك وياريت فعلا البوست يفيد

وانتظر البوست القادم هيكون عن التجاره

تحياتي وميرسي لزيارتك

PrInCeSS BeRy يقول...

ما شاء الله مجهود رائع احييكى علية انا ما تابعتش باقى الاجزاء بس اننا خريجى اثار على فكرة درست الاثار الاسلامية
فا بيستهوينى اى شىء عن الاثار والقديم من العالم الفرعونى والاسلامى بجد انتى شطورة برافو عليكى

كيارا يقول...

اول واحده الاقي مجالها قريب مني


هييييييييييه وكمان هيييييييييييه

وان شاء الله لما اخلص من الفرعوني

هتجه الي الاسلامي

وتابعي معايا ياقمر

وبجد كلامك شهاده تقدير ليا

ربنا يخليكي يارب

أكون او لا أكون يقول...

ماشاء الله... بكل صراحه انا انبهرت... ايه الجمال ده... انتي عملتي من المدوته ده تحفه فنيه... رائع رائع رائع...
انا بجد معجبه بتفكيرك... استغليتي اهميه الماده اللي انتي تدرسيها وعرضتيها بشكل جميل جدا...
انا حتابع المودنه ده على طوووول...
انا بدرس فن و 75 في الميه من دراستس تعتمد على التاريخ
بارك الله فيك...

كيارا يقول...

اكون او لا اكون

بجد شرف كبير ليا انك تنوريني في مدونتي المتواضعه
ورايك ده شهاده ليا

اتمني التواصل الدائم بينا

تحياتي

afew good men يقول...

ايه الاخبار
والله بدأت اراجع معاكي التاريخ اقولك ايه بس

انتي عظيمة وتستاهلي تكوني فعلا فرعونية

تحياتي

afew good men يقول...

قال احد شعراء الدوله الوسطي عن صناع المعادن

ان الحداد لا يوفد كسفير لبلاده ولا يؤدي الصانع رساله ،كذلك وصف الحداد بانه يقف بجانب موقده واصابعه مثل جلد

التمساح ورائحته انتن من بيض السمك

اما النجار فهو مرهق في عمله دائم العناء

انا بكده عرضت وجهه نظر في العامل المصري

كمان شعر انت ادبية

الي الامام

تحياتي

كيارا يقول...

تعليقين مره واحده

احمدك يارب

بجد كلامك كتير عليا اوي

والحمد لله انه فادك

تقبل تحياتي

الفقير الى الله يقول...

السلام عليكم ورحمة الله وبركاته
علشان تعرفي العلم والمجهود يرفع الامم
يعني احنا لحد دلوقتي عايشين بسيرة الفراعنه وبنفتخر بيهم رغم ان عدا عليهم قرون الا انهم لحد دلوقتي محيرين العالم
مجهود جميل جدا
وكل سنه وحضرت بخير
تحياتي

كيارا يقول...

طبعا هنفضل نجيب في سيرتهم لان السيره مش بتتعمل الا علي الناجح جدا

وهما مش عملوا الحضاره دي من فراغ

مش عارفه ايه ينقصنا عشان نوصل لهم

وكل سنه وحضرتك طيب

Coca يقول...

حلو اوي البوست ده شكلي هقيم عندك من النهارده
المعلومات دي قيمه جدا وللاسف اننا اصلا كتير مش بنهتم بيها
تحياتي

كيارا يقول...

ياقمر ده انتي تنوريني وتشرفيني وجميل ان البوست عجبك ياقمر

واي وقت تشرفيني المدونه كلها هتنور

تحياتي

كيارا

boda_love15 بودا يقول...

أولا ازيك
ثانيا بوست هايل فوق الخيال لما دخلت ع البروفايل ولقيت انك بتهتمي بالتاريخ مستغربتش لما دخلت لقيت الباك جروند باردي والله ع المدونه كلها والبوست الهايل ده
وربنا يوفقك
ودي أول زياره ليه بس مش الاخيره انشاء الله ده بعد ازنك يعني

كيارا يقول...

ربنا يخليك يارب
كلامك شهاده تقدير ليا

وطبعا يشرفني ويسعدني انها مش تكون اخر زياره بالعكس انا تمني ده

تحياتي

جمعاوي يقول...

السلام عليكم كيارا

ومعلومات قيمة أوى ربنا يكرمك عليها بس أنا معلش ما بقدرش اركز اكتر من 5 دقائق والبوست عاوز 7 دقائق يتقرى فيها اكمل المرة اللى جايه بقى هههههه

ونورتى مدونتى المتواضعة ويلاسلام

كيارا يقول...

ياهلا بجمعاوي اصيل

خلاص وعد اقلل حجم البوست عشان تقدر تقراه علي مره واحده

وميرسي جدا لزيارتك للمدونه المتواضعه

تحياتي

كيارا

دينا حامد يقول...

يالله انتي شكلك اداب تاريخ
بس معلومات حلوة والله بشكرك عليها
رمضان كريم

كيارا يقول...

ايوان ايوان

اداب تاريخ

وكل عام وانتي بخير

رمضان كريم

وميرسي جدا لزيارتك

حنين.. يقول...

السلام عليكم
جزاكم الله خيراااااااااااااااااا
على المعلومات دى
ايه دا يا بنتى
انا بجد بحيييكى
على اسلوبك فى الكتابه
انتى هتخلينى احب التاريخ
وتخلى اى حد بجد يحب التاريخ
بسم الله ماشاء الله
ياااااااااااه
نفسى يتدرس التاريخ فى المدارس با الطريقه دى
بحييييييييييييييييييييكى
وكل سنه بقى وانتى طيبه ياكليوباترا هههههههههههه يا احلى راويه للتاريخ
تحياتى ليكى
دمتى سالمه اختك حنين

كيارا يقول...

حنييييييييييييييييين وحشتني اوي

كلامك ده كتييييييير عليا والحمد لله ان ممكن اكون سبب ان في حد يحب التاريخ
وكلامك تشجيع ليا اني اكمل الاجزاء

ربنا مش يحرمني من كلامك يارب

كل سنه وانتي طيبه

Soooo يقول...

هايل بجد

وبمناسبة ان الصناع كانو حابين مهنتهم ولا لأ
احب اقولك حاجه صغيره

زمان .. العمال كانو بيشتغلو في بعض الاعمال بالسخره وبالشد وبالضرب .. وفي بناء احد الاهرامات - دي معلومه تاريخيه صحيحه - تم استبدال اكثر من ميه وخمسين نحات عشان كل واحد كان بيعمل الشغل باسلوب مش بيعجب رئيس الكهنة .. واللي كان مش بيعجبهم شغله كان بيتحبس
وبالتالي كان لازم يطلع الشغل الحلو اللي فضل واتخلد على مدار التاريخ

ياريتك كنتي حطيتي صور عشان الناس تبقى متخيله للشغل وللجو العام
لو حبيتي اي مساعده في الكلام ده من ناحية الصور انا تحت امرك
محسوبك مهندس ديكور فاشل

كل سنه وانتي طيبه ورمضان كريم





سلامووووووووووووز

كيارا يقول...

سوووووو

كلامك بيمتعني وبيثريني تاريخيا

بفرخ لما بلاقي حد عارف تاريخ او معلومات عن بلده

اما بالنسبه للصور هي عندي بس عشان انزلها في البوست فهي هتاخد وقت كبير

هحاول فعلا انزلها وميرسي جدا لتقديمك المساعده

كل سنه وانت طيب

رمضان كريم

خديجة محسن "لؤلؤة الاسلام" يقول...

اختى كيارا
ما شاء الله مدونة متميزة
وجميله اوى
و كل سنة و اتنى طيبة رمضان كرييييييييم

و تحيااااتى

كيارا يقول...

الحمد لله ان المدونه عجبتك

كل سنه وانتي بخير واتمني مش تكون اخر زياره :)

حسن ارابيسك يقول...

كيارا
الحقيقة أحييكي من كل قلبي على هذا المجهود الجميل والرائع والنابع وده أكيد نابع لحبك لتاريخ بلدك الجميل في مراحل ما وحضارة لم تأتي من فراغ نعيش على حسها في زماننا هذا
الحقيقة رغم قراءاتي للتاريخ الفرعوني منذ الصغر وبتعمق في كل صغيرة وكبيرة لأشكال الحياة في مصر الفرعونية إلا أهنيكي على تنظيم وتصنيف المعلومات واللهي لم أستطع أن أمنع نفسي من قراءة كل المدونة فيما يخص مصر الفرعونية لديك وقد أسعدتني بجد وإيجازك بشكل لم جيد لم يقتطع من الصورة شئ
أنا مثلك منذ الصغر كنت أسير جداً لحضارة الفراعنة ولكوني عاشق للتحف اقتنيت الكثير من التحف الفرعونية
بعد ذلك عرجت على التاريخ الإسلامي بكل دوله حتى نهاية الملكية
اشكرك مرة ثانية على هذا المجهود العظيم
تحياتي
حسن أرابيسك
أحببت هذا الإتجاه لديكي وفقكي الله

كيارا يقول...

اولا كل سنه وحضرتك طيب

ثانيا اسعدني كلامك جدا وحديثك

اي اثر او تراث تركه الفراعنه لنا يعتقد البعض من الناس انهم ناس خارقين او مش زينا

لدرجه ان في يوم كنت اتجول بالمتحف المصري ورايت امراتان يتحدثان عن تمتال الملكه تي ويذكران في وصف الفراعنه بحديث فيما معناه ان الفراعنه ناس مثل سوبر مان والاوصاف الخرافيه الطول والعرض واوصاف كتيره واستفذني هذا الحوار فرحت لهم ووتهم سرير الملكه تي وقلتلهم اللي ينام علي السرير ده يكون طوله اد ايه

ذهلو من ما راوه

غير اني ورتهم حاجات كتير فكان سبب انشاء هذه المدونه اني اوضح للناس
ان الفراعنه اناس مثلنا ياكلون مما ناكل ويشربون مما نشرب ويزرعون كما نزرع

فكانو بشر بساط لكن كانوا مومنين باللي بيعملوا وعلشان كده حضارتهم فضلت كل ده حيه وعايشه

اما بالنسبه للتاريخ الاسلامي فانا درسته ودرست حضارته واثاره

براعه في منتهي الجمال

وفي نيتي ان اراد الله وكان في العمر بقيه اني عندما انتهي من الحضاره الفرعونيه وتاريخها
هكمل المدونه بالتاريخ الاسلامي

ادعيلي لان البوست بجد مش بيخلص بسهوله

تحياتي ليك يااستاذ حسن اوتني التواصل الدائم

أختكم فى الله يقول...

اول مرة اشوف مدونة تاريخيه

والله حاجة جميلة

تسلم ايديكى

كيارا يقول...

تسلمي انتي علي ردك

وبالفعل التاريخ مظلوم كتير


كل سنه وانتي طيبه

بنت مصريه يقول...

يا ستى يا ريتنا كلنا كننا حرفيين عالاقل هنلاقى ناكل ههههه
كل سنه وانتى طيبه

كيارا يقول...

هههههههههههه

الرزق في كل مكان ياقمر


كل سنه وانتي طيبه

almasry يقول...

اأنا كتير سمعت عن كتابة التاريخ لكن انا هبتدع مصطلح والفضل للمدونه دى أسمه صناعة التاريخ


تحــــياتى
المصــــــــــرى

almasry يقول...

اأنا كتير سمعت عن كتابة التاريخ لكن انا هبتدع مصطلح والفضل للمدونه دى أسمه صناعة التاريخ


تحــــياتى
المصــــــــــرى

Misrdream يقول...

بجد مجهود جبار فى جمع كل المعلومات التاريخيهالجميله دي
تسلم ايدك

كيارا يقول...

ياااااااااااااااه صناعه تاريخ مره واحده

ده كتير فعلا

شكرا ليك
وكل سنه وانت طيب

كيارا يقول...

Misrdream

وانت بتكتب الكومنت بتاعك كنت برد انا علي المصري

وميرسي اوي اوووي علي التشجيع اللي بيفوح من تعليقكك

تسلم لردك

كل سنه وانت طيب

انا ودماغي يقول...

بجد المعلومات هايلة أوى و شيقة جدا..أنا بحب جدا أقرا فى التاريخ لأن المعلومات بتكون رائعة خصوصا لو صح 100% لكن مقدرش أبدا أخده كدراسة
بس انتى شكلك بتحبيه عشان كدة ربنا إن شاء الله حيوفقك فيه

تقبلى تحياتى يا قمر و كل سنه و أنتى طيبة

Gelaan يقول...

بسم الله
السلام عليكم ورحمه الله
اولا
كل سنه وانتى طيبه والى الله اقرب
ورمضان كريم
ثانيا
انا بعشق حاجه اسمها تلريخ
بس بحب تاريخ الحديث
وبعششششق محمد علي
وسبحااااااااان الله ياشيخه
انى الان بعمل بحث عن الحضارة المصريه القديمه
والله سبحانك يارب
هستاذنك بقه انى انقل الاجزاء كلها
وربنا يجعله في ميزان حسناتك
تحياتى
جيلاان

كيارا يقول...

انا ودماغي

بالفعل انا بحب التاريخ جدا بس بيني وبينك سر يعني كدراسه بيبقي رخم جدا لانك مش بتبقي حره في القرايه بيتفرض عليكي قرايهخ كتب معينه ممكن مش تكوني مقتنعه بالماده اللي فيها

كل سنه وانتي طيبه ويارب يوفق الجميع

كيارا يقول...

جيلان

وعليكم السلام ورحمه الله وبركاته
كل سنه وانتي طيبه ياقمر
انا بقي مش بحب التاريخ الحديث خالص لكن بحب طبعا التاريخم المعاصر مع ان التاريخ الحديث ده دراسه التمهيدي بتاعي
بالنسبه للبحث بتاعك لو احتجاتي فيه اي حاجه وانا اقدر اعملهالك صدقيني مش هتاخر خالص
وكل سنه وانتي بخير

canary يقول...

واضح من المجهود اللى بذلتيه قد ايه انتى محبه للتاريخ
المصرى طبعا
وواضح كمان اهتمامك بالحرفى المصرى وتقديرك لمجهودة
تقبلى مرورى
كل سنه وانت طيبه

كيارا يقول...

اكيد اكيد مهتمه بالتاريخ المصري لاني فعلا بحب اعرف ناس زمان كانوا ازاي

والا مكنتش كملت دراسه فيه :))

والحرفي المصري مهم في عصرنا الحالي وعصرنا السابق

كل سنه وانت طيب

maha zein يقول...

ايه ده
اذاي مش بتدرسي تاريخ وتعرفي ده كله او حتي مهتمة بده كله
بجد خسارة انك مش متخصصة تاريخ
لان شكلك بتحبيه اوي
وخاصة الفرعوني منه
تحياتي ليكي
فكرة جديدة اوى
بجد
واهتمام اكتر من الناس بالقراية فيها ماشاء الله

طارق الغنام يقول...

الرائعه كيارا
ماشاء الله على مدونتك
موسوعه رائعه وفيها معلومات جميله جدا
مدونه هادفه
كل عام وانتى بخير
كل عام وانتى الى الله اقرب
كل عام وانتى متألقه

كيارا يقول...

مها حبيبتي

مين قالك ياقمر اني مش بدرسه بس

انا قلت دراسته رخمه لكن كثقافه بيبقي ممتع

لكن انا الحمد لله خريجه اداب قسم تاريخ
وعمل دراسات عليا فيه

ادعيلي بقي اخد الماجستير قريب

وانا مبسوطه اوي ان المدونه عجبتك

كيارا يقول...

طارق الغنام

بجد كلامك اخجلني فعلا
ويارب اكون قدرت اقدم معلومات تفيدالجميع

اتمني التواصل الدائم

Amgad يقول...

مممممممممممممم
فكرة اول مرة اشوفها
علي فكرة الفكرة مش اتراكتف اوي
بس انتي عاملاها بحرفية شديده
وباين اوي انها واخده منك مجهوود فظيع
بجد خالص تحياتي علي البوست ده

كيارا يقول...

امجد

ميرسي خالص لكلامك هي بالفعل واخده مجهود لان كل بوست اخد مني كذا يوم في تجهيزه وكتابته

بشكرك لكلامك


واتمني التواصل الدائم

afew good men يقول...

رمضان كريم اخبارك ايه

ايه الاستايل الجديد التحفة دا

شكرا علي كلماتك الرقيقة علي البوست الاخير بتاعي

وبتمني مش تكوني زعلانة

انتي معزومة عندي انهاردا علي الفطار

مستنيكي

كيارا يقول...

لولولولولولوللوي

احلي خبر اليوم انك رجعت

هييييييييييييييييييييييييه

كل سنه وانت طييييييييييييب

كيارا يقول...

صحيح نسيت اسالك هو انهو استايل احلي القديم و لا ده

bema يقول...

ادعوكى لزيارة مدونتى المتواضعه


دمتى بخير

الحشرى - سيد يونس يقول...

تقبل الله منا ومنكم

وكل عام وأنتم بخير

كيارا يقول...

bema يقول...


كل سنه وانت طيب وجررررري اشوف مدونتك

كيارا يقول...

الحشرى - سيد يونس

امييييييين

وكل عام وانت طيب

,.-~*'¨¯¨'*•~mr ,.-~*'¨¯¨'*•~monshed يقول...

بوست هايل وجميل وكل سنه وانتى طيبة

كيارا يقول...

وكل سنه وانت طيب

EMMY BABY يقول...

بسم الله ماشاء الله

بحب جدا تاريخ مصر الفرعونية بالرغم انى كنت علمى الا انى كنت بحب التاريخ الفرعونى والنحت والحاجات دى

بحس بعظمة جدودنا واحس ان العالم كله مازال يبحث عن السر بالرغم من بساطة الادوات الا ان العقل تغلب على كل ده

مدونتك رقيقة وجميلة وعظيمة

كل سنة وانتى طيبة

تحياتى

ايمى

كيارا يقول...

كلامك بجد كتير عليا
متتخيليش فرحتي اد ايه

وانا بلاقي الاقبال علي المدونه دي بالزات لانها متخصصه نوعا ما عكس مدونه ضي القمر الرئيسيه

كل سنه وانتي طيبه

:)

عايش ولكن يقول...

ايه المعلومات القيمه دى
قول للزمان ارجع يا زمان
اشكرك على المعلومات القيمه
علاء

MaGn0liA... يقول...

انا مش ليا فى التاريخ الفرعونى

بس حبك ليه حببنى فيه :)

و معلومات حلوه اوىىى

انا هتابع ان شاء الله

سلامات :)

كيارا يقول...

عايش ولكن

قول للزمان ارجع امممممم ممكن نرجعه بشكل فيه استخدام لكل ماهو حديث

شكرا لردك

نورت المدونه

كيارا يقول...

MaGn0liA

هيييييييييه يعني ازقطط انك حبيت التاريخ

ويشرفني انك تتابع المدونه

بس غير اللنك عندك لانها متسجل اخر بوست كان الجزء الاول وانا نزلت بعدها 3 اجزاء

وفرحانه اوي بردك نورت ايام زمان

Abu Shahin يقول...

السلام عليكم

جميل جدا انك تكونى عارفه عن حياة الفراعنة وتخصصى مدونة كاملة للحديث عنهم

جميل جدا اسلوبك السهل والبسيط ف العرض مع الدقة المتناهية ف نفس الوقت

تحياتى

كيارا يقول...

اكيد اكون عارف ده لاني متخصصه فيه

وانا عندي مدونتين مدونه شخصيه ومدنه مخصاصها للتاريخ


وزي مانزلت اول بوست وقلت فيه خططه المدونه اتمني من الله ان يعينني علي ذلك

والحمد لله ان المعلومات كانت بسيطه بالنسبه للقراء لاني وانا بكتبه ببقي مركزه اوي انن ممكن واحد من قراء المدونه يكون مش بيحب التريخ فيكرة او يتخنق من تعقيد البوست

اتمني تكون سعدت بالمدونه مثلما سعدت انا بتشريقك لمدنتي

كل عام وحضرتك بخير

Rania يقول...

عجبنى ردك على ارجع يا زمان
فعلا ممكن نرجعه نرجع حمسنا و قوتنا و انتمائنا و ذكائنا و باستخدام كل ما هو حديث

بجد مبسوطة انى زورت المدونه دى انا بعشق الفراعنه و تارخهم و حضارتهم
عارفه ؟
انا بعشق التاريخ

تحياتى

3ala asm masr يقول...

والله طول عمرى نفسى ادرس تاريخ
لكن بتخنقنى التواريخ
بس نفسى قوى ادرس اللغه الهيروغليفيه

كيارا يقول...

بالضبط يارنيا

نقدر بس مش بايد واحده لان الواحد ضعيف
لكن الاتنين والتلاته و...و... بيكون قوي وبيقدر يعمل حضاره

ناس زمان مكنش كل واحد لوحده كانو جماعه

انا الاسعد ياقمر بانك زوتي مدونتي المتواضعه

واتمني مش تكون اخر زياره

سلام ياقمر وكل سنه وانتي طيبه يارب

كيارا يقول...

علي اسم مصر

التاريخ ممتع جدا ولو حبيته بجد هتحس ان التوايخ شي مهم

ممكن تركز علي التوايخ الاساسيه فقط

اما الهيروغليفيه

لو هتابع معايا انا ممكن بعد اما اخلص الحضاره وانا بدي التاريخ

احاول اديك بدايتاها ومفرداتها واحده واحده هتتعلمها

اتمني مش تكون دي اخر زياره

فعلا اسعدتني بزيارتك

كل سنه وانت طيب

romansy يقول...

بجد برافوا عليكى
دا بوست هايل هايل
انا بحب التاريخ واتمنى ان انتى تعلمينا اكتر واكتر واضح ان انتى عايشة مع الفراعنة مش قارية بس


كيارا.... قاموس المعرفة

كيارا يقول...

ربنا يخليك يارب
والحمد لله ان المدونه نالت اعجابك وتابعها بقي

ابقي شوف البوست الجديد هيعجبك اكيد

وانا مش قاموس ولا حاجه صدقني انا اقل من كده بكتيييييييييييييييييييييييييييير

نورت المدونه حقيقي

maxbeta3zaman يقول...

ما رأيك يا كيارا ويا دليلا فى الحضارهفى معلومة وصلتنى منذ شهر تقريبا تقول أن عالما فرنسيا أثبت علميا أن الهرم بنى بطريقة صب طين معين فى أوعية مكعبة الشكل ثم تحمى عليها بالنار فتتكلس وتصبح حمأ مسنونا ..وكان دليله على ذلك عدم وجود رابط بين الحجارة ولاحتى فراغ هوائى مما أدى لتماسكها بشده كذلك بين الفحص المجهرى وجود الماء فى تكوين الحجارة المبنى بها الهرم وفقاعات غازيه تدل على عملية التسخين المفترضه ..هل قرأت شيئا من هذا ؟ مارأيك وانت دليل الحيارى؟

كيارا يقول...

المعلومات اللي اعرفها وهقولك المراجع بتاعتي بس هذكر المعلومه الاول

"بعيد طبعا عن مساحه الهرم وارتفاعه لكن لو حبيت اذكرها انا تحت امر حضرتك
البناءون استخدموا حوالي مليونين وثلثمائه الف كتله حجريه تراوح وزن الواحده بين طنين وثرث اطنان وفي بعضهم يصل وزنها الي 15 طن اتقطعوا من هضبه الجيزة نفسها ماعدا الكساء الخارجي للهرم فهو من الحجر الجيري الابيض اتقطع من محاجر طره
وهيردوت قال ان الاحجار كانت تجر الي موقع البناء فوق طريق صاعد طويل وانهم بنوا الهرم علي درجات واما رفع الاحجار فقال دكتور سليم حسن ان البكر هو الذي استعمل لرفع الاحجار وكسيت بعض حجرات الدفن بالاحجار الجرانيتيه وان هيرودت بيقول ان عدد المصريين اللي بنوا الهرم كان 100 الف مصري

المراجع
احمد بدوي
احمد فخري
ادولف ارمان
الن جاردن
جون ولسون
وغيرهم ........

اما فيما ذكرت انا فعلا لم اسمع بذلك وساتحري وااكد لحضرتك

تحياتي

كيارا