السبت، 26 يوليو، 2008

الحضاره الفرعونيه الجزء التالت

الحياه الاقتصاديه

اولا الزراعه وتربيه الحيوان





تعالو بينا نتخيل البيئه المصريه في بدايه العصور الفرعونيه يلا بينا






النهر كان متسع المجري قليل الغور لانه لم يكن قد عمق هذا المجري تماما فكانت مياه الفيضان تغمر الجانبين الي مسافات بعيده وكل ده ادي بالطبع لوجود مستنقعات وغابات شائعه خاصه في منطقه الدلتا يعني البيئه كانت في البدايه بيئه صياد وبعد كده عرف الانسان استئناس الحيوان ولما ابتدت مطالب الانسان تزيد وبقي عاجز عن الاكتفاء بالحرفتين دول (الصيد _ استئناس الحيوان)
ابتدي بقي يفكر في الزراعه وتوصل للزراعه بدأحياه الاستقرار فاخذ يقتلع الغابات ويزرع مكانها وطبعا تدريجيا ابتدي يستفيد من حبيب المصرييين النيل
وابتدي ينظم جهوده المشتركه ليستطيع التغلب علي مياه النهر والتحكم فيها لفائدته
ولذا كان حبيبي من اهم البواعث التي ادت الي ظهور المجتمعات المصريه المنظمه




تاليه المصريين للنيل




لان النيل هو واهب مصر الحياه وهو الذي اهلها لتكون مهدا لحضاره اغريقيه فقد اعتبره المصريون الها وتخيلوه في هيئه انسان عظيم الثديين كبير البطن ممتلئ الجسم كنايه عن الخير والبركه ويقوم بحزم وربط رمزي الوجه القبلي والبحري وكثيرا ما وحد مع غيره من الالهه
مثل اوزوريس واطلق علي هذا الاله الموحد اسم اوزير -ابيس في العصر اليوناني




مساعي الانسان بقي للاستفاده من النيل




مهما اتقال عن ان النيل وهب الحياه لمصر فبرده مكنش ده هيحصل الا بتدخل انسان للاستفاده من كل قطره
وكان التعاون ضروري جدا لتشييد السدود وشق الترع والقنوات واقامه المقاييس والسدود
وكان الفلاح يلجأ الي وسائل تعينه علي رفع الماء الي حقله وقد توصل الي هذه الوسائل منذ اقدم العصور وظل يستعملها حتي يومنا هذا
سبحان الله ناس عملت حضاره لحد الان بتفيد اجدادها الناس ديه معملتش حضاره من فراغ ناس تعبت اوي وشقيت عشان تعمل اسم وسمعه العالم كله بيتكلم عنها بعد اكتر من من سبعه الالاف سنه
يلا نكمل عشان منخرجش برا الموضوع
ومن اهم الوسائل ديه الشادوف اما الساقيه فاقدم نموذج لها يرجع للعصر الروماني
ولا زال الفلاح المصري يستخدم المحراث والفاس في اعداد الارض للزراع




وكان الجو في مصر يساعد علي اعمال الزراعه المختلفه فالجو صحو في معظم ايام السنه ،
وطبعا ده ساعد المصري لاداء عمله بنشاط





المحراث






المحراث اللي استخدمه الفلاح زمان عباره عن سكين خشبي يثبت اليه مقبضان وعريش طويل ينتهي بنير
وكانت الثيران هي التي تجر المحراث في الدوله القديمه اما في الدوله الحديثه فقد استعملت البغال



نيجي لبذر البذور



الطريقه هي هي متغيرتش كان الفلاح بيمسك سله مصنعه من البوص او القش البردي او احيانا يحملها علي كتفه بواسطه حبل ويلقي بيده البذور
ثم يسير الخراف في الحقل مره او عده مرات لتغرز الحبوب في التربه وقد استبدلت الخراف بالخنازير في الدوله الحديثه



الحصاد




اما الحصاد فكان يتم بمنجل قصير ويستعين الفلاح علي العمل بعازف للناي او احد المنشدين الذي يشجي العمال بالحانه واناشيده
وكتير بنشوف في النقوش مناظر الحقول اثناء عمليه الحصاد والعمال في اوقات راحتهم بيتاناولوا الطعام بالقرب من مكان جمع المحصول



عمليه التذريه


وكانت التذريه بمذراه ذات ثلاثه اسنان او كانت الحبوب ومايختلط بيها ترفع علي لوحات خشب قليله التقوس وكانت هذه الطريقه تقوم بيها نساء معصوبات الراس عشان يحفظوا شعرهم من الاتربه المتصاعده
وكانت الحبوب ترفع علي اللوحات الخشبيه الي اعلي ثم تترك لتسقط الحبوب في مكانها بينما تتطاير الاتربه والتبن والقش بعيدا في الهواء






وكانت باكوره الحصاد تقدم كقرابين للالهه خصوصا لربه الحصاد رننوت واله الحبوب نبري
وكان لصاحب المزرعه نصيب من المحصول المبكر لتجربته
وبعد كده يقوم الموظف المختص بكيل حبوب المحصول ويصحبه كاتب الصوامع ليسجل عدد الكيل
بالمناسبه كان شكل الصوامع عموما ذات شكل مخروطي بها فتحه في القمه وباب من اسفل وكان التخزين يتم عن طريق الفتحه العليا
اما الاستهلاك فكان عن طريق الباب السفلي





تعالو نعرف بعض انواع الحبوب اللي كانوا يعرفوها



القمح والشوفان و سخت و العدس والفول والحمص والترمس والذره الرفيعه والكتان و الشعير وانواع عديده من الخضروات والفاكهه كالخيار والشمام والعنب والبصل والكرات والليمون وغيرها





الحيوانات بالنسبه للفلاح




كان المصري بيحب الحيوانات الاليفه خاصه اللي بتساعده في عمله
مثل الثيران والبقر والكبش والثيران لها انواع
- ذو قرون طويله تشبه القيثاره او هلاليه الشكل
- قصير القرون
-بدون قرون




تغذيه الحيوانات





كان غذاء الحيوانات المفضل لدي المصري هو التسمين
عباره عن عجين الخبز يصنع في خيوط ويطعم للحيوان
وكانت عمليه حلب البقر من الامور الصعبه فلم تقم بها النساء بل كان يقوم بها الرجال



تعالو نشوف حياه الراعي




كانوا خشنو المظهر يظهرون كانصاف متوحشين لبعدهم عن المدينه وكانوا يمثلون عراه او بنقبه غريبه الشكل من النوع القديم المصنوع من القش المضغوط وكانوا معروفين بالمهاره في الاعمال الخاصه بالفلاحه والمتعلقه بهامثل صنع القوارب والحصر من الخوص وصيد الطيور و الاسماك
ولم يكن متاع الراعي ليتعدي قدرا كبيرا من الفخار وسله تحوي اواني صغيره وبضعه حصر من البردي يصنعها بيده
وكانوا ينتقلون بالقطعان من مكان الي اخر في مهاره غريبه وكثيرا ماكانوا يلجاون الي حمل الحيوان الرضيع فتتبعه الام ويتبع هذه بقيه القطيع



وكمان كانت بتكثر بمصر الحيوانات البريه مثل الظباء والتياتل والوعول والغزلان وكان الظبي السمين يعتبر من الاطعمه الشهيه ويمثل كقربان دائما
اما الطيور فكانت عديده منها البط والاوز والحمام والسمان الا انهم لم يعرفوا الدجاج الا في العصر الفارسي
وكانت الذ الاطعمه لدي المصري هيالاوز المشوي علي السيفود ويمثل منظر من العمارنه ام الملك تمسك اوزه مشويه بيدها تتلذذ بالتهامها
وكان للاوزه مكانه خاصه واعتبر حيوان مدللا حتي ان زوجه احد موظفي معبد امون اتخذت اوزه كحيوان مدلل تتبعها اينما ذهبت
اما الخنازير فكانت دنسه وتستخدم فقط لدرس الحبوب بدلا من الخراف
اما الحصان والنعل فلم تعرفها مصر قبل غزو الهكسوس




الحاله التي كان عليها الفلاح في مصر القديمه





رغم انه كان عماد ثروه مصر الا انه كان بائسا يستحق الرحمه والرثاء
ويبين لنا خطاب ب احد الكتاب لتلميذه مقدار ماكان يعانيه الفلاح من مراره العيش فقد جاء فيه ان المحصول كانت تاكله الدود واذا ما وضع في الاجران فان الفئران والعصافير تاتي علي معظمه وعند تسليم المحصول لا يجد الفلاح لديه مايكفي لما هو مطلوب منه فيعاقب بالضرب



وبكده ابقي خلصت الجزء التالت ونلتقي في الجزء القادم وهنتكلم برده عن الحياه الاقتصاديه بس هنتكلم عن الصناعه (الصانع - المواد الخام )

هناك 22 تعليقًا:

Zanooba (Zeinab sab9n) يقول...

تسلم إيديك معلومات قيمة ...أستمري و أنا مبسوطة أوي أني قبلت حد من محافظة حلوان اللب عمري ما شفت حد منها :) تقبلي مروري
السلام عليكي

نيمو يقول...

ليييييييييه

دي حلوان محافظه الشعب


وميرسي ياقمر علي تشجيعك

نورتي المدونه

ahmed_k يقول...

تسلم إيديكي يا نيمو علي تلك المعلومات القيمه
والتي بتقربينا بيها لتلك الحضاره العظيمه
والواجب علي كل مصري ان يكون علي درايه تامه بالحياه في العصر الفرعوني بأختلاف مراحله حتي إن تم سؤاله عنها لا يظهر بمظهر الفاشل الذي ليس له تاريخ

شكرا ليكي لمجهودك العظيم
وتقبلي تحياتي

حنين.. يقول...

, ايه دا يا بنتى.......... انتى فى تاريخ ولا جغرافيا ولا ايه... بس بعيدا عن انتى فى ايه, بجد متعتنى وانا بقرأ. وجزاكم الله خيرا على كل المعلومات دى, انا هجيب اختى تاخد عنك درس, تقبلى مروى وتحياتى, حنين

نيمو يقول...

ahmed_k

اكيد لازم نعرف ماضينا



ومبرسي لردك

ويارب يكون قدرت اقدم استفاده لكل اللي بيدخل المدونه

نيمو يقول...

حنين

انا تاريخ ياقمر

والحمد لله انك استفادتي

وهاتي اختك وبالنص (وش بيغمز)

دعاء مواجهات يقول...

احب احييكى اوى

ع المدونة الرائعة والمختلفة اول مرة الاقى حد لسة فارك الفراعنة بالخير وبيذكر محاسنهم كمان

بس الكتابة مش باينة ع فكرة

نورتينى

اتمنى دوام التواصل

بيس

كيارا يقول...

اوكي يادودو هغير اللون ياقمر

ولازم اهتم بيه لانه تخصصي

ونورتيني فعلا يادودو

اتمني التواصل الدائم بيننا

تحياتي

كيارا

Zanooba (Zeinab sab9n) يقول...

إيه يا نيمو أختفيتي فين بس ...إيه مش بتكتبي ليه ؟ مستنية جديدك
السلام عليكي

كيارا يقول...

والله ياقمر مشغوله بالمدونه التانيه ضي القمر لكن مش ناسيه ايام زمان ابقي زوريني في المدونه التانيه ياعسل

كلبوزة لكن سمباتيك يقول...

فكرتيني باخر زيارة ليا للقرية الفرعونية كانت جميلة جدا


تحياتي

كيارا يقول...

نورتي المدونه ياقمر

وكويس اني فكرتك بحاجه يارب تكوني بتعتزي بيها

نورتي المدونه اتمني زيارتك مره اخري

seven يقول...

انا بعشق الحضارة الفرعونية
وانا شايف ان احنا من احفادهم اصلا
ههههههههههههه
عشان لو كنا احفادهم كنا فلاحنا
هههههههههه
بس بجد معلمومات حلوة
بسيطة ومتقدمة باسلوب حلو اوى

كيارا يقول...

لالالالا لو بصيت هتلاقي الزراعه هي هي وكل حاجه بسيطه وجميله

وهييه لقيت حد حابب الحضاره الفرعونيه

وميرسي لردك في المدونه

نورت الموضوع

تحياتي

حسن حنفى يقول...

لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل لازم يتحل

كيارا يقول...

هو ايييييييييه اللي لازم يتحل

حسن حنفى يقول...

من الحق انا بعت ليكي

التاج خلاص

التاج التاني

:d

هوده اللي لازم يتحل

كيارا يقول...

خلاااااص حليته


:((

سمر الشافعى يقول...

مدونتك جميله اوى زيك كدا ياقمرايه

كيارا يعنى ايه بقىىىىى

كل سنه وانتى طيبه وميرسى عالزياره

كيارا يقول...

وانتي طيب ه ياقمر واتمني زيارتك في ضي القمر

اما كيارا فده اسم بنت الاسد سمبا فيلم كرتون اسمه الاسد الملك

لو تسمعي عنه هو جزئين
كيارا بقي في الجزء التاني

نورتيني ياقمر واتمني التواصل الدائم

قطرات من شواطئ الحياة يقول...

فكرة متميزة بصدق
أستمتعت بمروري هنا و برحلتي عبر أيام زمان
معلومات قيمة .. استمري و لا تحرمينا المزيد
و كل رمضان و أنت بألف خير

تحياتي

كريمان

كيارا يقول...

كريمان

كم اسعدتيني بكلاماتك وتشجعيك
رمضان كريم وكل عام وانتي بخير

اتمني التواصل الدائم