الخميس، 3 يوليو 2008

حضاره مصر الفرعونيه الجزء الثاني

تابع الحياه الاجتماعيه

تعالو بينا نشوف الدور الذي كان يقوم به الابن لوالده


كان يراعي دائما ان يحمي الابن اسم والده وان يخلده فهو يشرف علي تقديم القرابين له ويحافظ علي مقبرته وابقاء اثاره وده لان المصري كان يعتقد ان زوال اسمه من النقوش هــــــــــــــلاك ابدي له ولذا هنلاقي كتير بيتعمدوا ازاله اسماء بعض السابقين للانتقام منهم
ومع ذلك مفيش امثله كثيره يفتخر فيها الابن بوالده بل ولم نجد سلسله نسب كامله الا في عصور متاخره وربما ذلك لصعوبه التعرف علي اجيال سابقه وذلك لان الشخص كثيرا ماكان يغير اسمه في بعض مراحل حياته


طيب هما اجدادنا كانوا بيربو اطفالهم ازاي يلا بينا نعرف



هي عهد لدوله القديمه
كانوا يتركوهم لحريتهم حتي سن ارابعه تقريبا وكثيرا ما تمثلهم النقوش وهم عرايا مجردين من اللباس يلعبون او يصحبون ابائهم في نزهاتهم وصيدهم اما بعد الدوله القديمه يندر ان نجد صوره الطفل مجرد من اللباس وكانوا يذهبون الي مدارس تلحق بالمعابد غالبا ولكن ابناء النبلاء وذوي النفوذ كانوا يذهبون الي مدارس البلاط حيث ينشاون مع ابناء الملك وكانت العلامه المميزه لابناء الملوك والنبلاء
خصله من الشعر اشبه بالضفيره علي جانبي الراس ومع انهم كانوا يعاملون بشي من الحزم في تربيتهم اكثر من اطفال العصر الحالي الا انهم كانوا يحظون بالكثير من اللعب التي وجدت منها نمازج في بعض المقابر ومنها انواع متقدمه في صناعتها وفكرتها كثيرا
عارفين انا شفت بنفسي بعض اللعب ديه والله جميله جدا وكمان في صور للاطفال وهي بتلعب مع اصحابها ومع والدهم صور رائعه
انا هحاول انزل الصور علي اسكانر وارفعها وانزلها بجد هتعشقوا الحضاره ديه



اما بقي عن القواعد السلوكيه



راعوا فيها انه م يجعلوا الانسان ممتازفي عمله وعلاقاته مع الاخرين وهي تحض علي التعلم والابتعاد عن الشرور وعن قرناء السوء ومن تعاليم بعض الحكماء نتبين ان السلوك في حضره العلماء كان معقدا يشوبه الكثير من التكلف ولا يكاد يختلف كثيرا عن قواعد السلوك الحاليه ومن امثله ذلك ماورد علي لسان احد الحكماء "اذادعيت الي حضره العظيم فلا تجلس الا اذا دعاك واذا دعيت الي طعام فكل مما هو امامك ولا تنظر الي ما ياكله ذلك العظيم اضحك عندما يضحك فان هذا ما يبهج قلبه وكثيرا من النصائح لقواعد السلوك التي يجب علي الشخص اتباعها

وسائل الترف



كانت الاسره تشترك في الخروج مع عميدها في رحلات صيده ولهوه فبعض النقوش تبين لنا الرجل واقفا في زورقه وهو يقوم لصيد الطيور او الاسماك في المستنقعات ومعه زوجته واولاده وقد يصحبهم قط اليف ياتي بالطيور المصابه الي القارب
اما بقي في الرحلات المحفوفه بالمخاطر فغالبا كان يقوم بها الرجال وحدهم

اما بقي عن تسليه الاسره داخل الدار



كانت بتنحصر في مشاهده رب الدار واسرته لبعض المتصارعين وهم يعرضون العابهم في مرونه وخفه ومهاره او بعض المتبارزين المسلحين بعصي قصيره ويتقون ضربات خصومهم باذرعهم الطليقه التي تحميها سيور جلديه شدت اليها وتشهد بذلك المناظر الموجوده في مقابر بني حسن بالمنيا

كذلك تشاهد الاسره عروضا لبعض الفتيات يلعبن بكرات صغيره العابا فيها مهاره او يقوموا بحركات بهلوانيه او يقمن بالرقص وهو ماكان يقوم به الرجال في بعض الاحيان





وكمان كان في طرق اخري للهو مثلا قيام بعض الصبيه بلعبه يتكهن فيها احدهم بمن يضربه وهو راكع لايري ايدي زملائه

حين يهوي احدهم علي ظهره او يشتركون في قذف اداه ذات سن مدببه علي لوحه من الخشب وكمان كانت الالعاب التي تحتاج لفكر كانت محببه اوي لديهم زي رقع الشطرنج
ولو لحظنا شويه هنلاقي ان اللعب ديه احنا لحد الان بنلعبها




وبكده ابقي خلصت الحياه الاجتماعيه وطبعا انا اختصرت فيها كتييييييييييييييييييير
ولكم موعد مني بقي مع حياتهم الاقتصاديه
هنشوف فيها ازاي بيزرعو ايه الحيوانات اللي بيستخدموها وكمان هنشوف الصناعه
يلا سلاموز بقي واشوفكم في الجزء القادم

هناك 18 تعليقًا:

ذربونة هانم يقول...

اول مرة الاقى بنت و صغيرة و مهتميه بالتاريخ

اقولك حاجة ..انا لغايه دلوقتى مقتنعة ان اللى صححلى امتحانا التاريخ و الجغرافيا على مدى سنوات دراستى كان اعمى..لان ماكانش المفروض اعدى منها اصلا

بس طريقتك جميله

انا متابعاكى
و عاوزة اشوف صور اللعب والنبى

كـــيــــــــارا يقول...

اول رايك ا ده شهاده اعتز بيها

اما اهتمامي بالتاريخ يمكن عشان تخصصي تاريخ

وتابعي الاجزاء الجايه

وهنزل عن كذا حاجه
وكمان في مدونه ضي القمر في سلسله عن السادات برده هتعجبك باذن الله

نورتي المدونه بجد وكفايه ان اول تعليق فيها كان تعليقكك

ahmed_k يقول...

والله معلومات مفيده وجميله جدا
الحياة الفرعونيه فيها جوانب كتيره كانت خافية عنا
ومعلومات عن اليمن كانت خافيه عنا

بجد جهد مشكور
والى الأمام يا نيمو

تقبلي خالص تقديري

كـــيــــــــارا يقول...

الحضاره الفرعونيه حضاره سخيه بالمعلومات

وبجد اللي بيدخل فيها مش بيقدر يبعد عنها

وشكرا لمدحك ومرورك نورت المدووونه

واتمني متابعه الاجزاء لك تحياتي

لك تحياتي

عمرو وجيه يقول...

السلام عليكم ورحمة الله

مدونة حضرتك بجد عجبنى فيها حاجة ان موضوع المدونة متناسق مع الديزاين بتاعها و نادرا ما بشوفه فى المدونات ..


لبمعلومات اللى فيها رائعة جدا ... أصل انا بموت فى التاريخ كانت المادة اللى كنت بقفلها لما كنت فى المدرسة ...

و طريقة عرضك جميلة ومسلسة ومنظمة ..


شكرا ليك جدا....

كـــيــــــــارا يقول...

ميرسي ليك ياعمرو علي ردك
كمان اخيراااااااا لقيت حد بيحب التاريخ

وتابع بقيت الاجزاء ان شاء الله تعجبك

لك تحياتي نيمو

Crazy Nemo يقول...

انا مبسوطهبجد انك عملا مدونه عن حضاره مصر بجد ده شىء جميل

كـــيــــــــارا يقول...

الحمد لله انها عجبتك ياقمر وتابعيها

غير معرف يقول...

منار تقول ان التاريخ من الاشياء العظيمه التى يتفاخر بها الانسان واول حضاره هى حضاره مصر القديمه وكل الذى مكتوب فى هذا الموقع حضاره مصر وعبق تاريخها

كـــيــــــــارا يقول...

بالضبط يامنار

وحضاره مصر يتسع لها مجلدات

والحمد لله ان المدونه نالت تقديرك

لكي تحياتي

غير معرف يقول...

مدونة جميلة
والتصميم جميل جدا

والمعلومات سخية

انا مدمن حضارة فرعونية

وخاصة العمارة الفرعونية

ةالتحنيط
والسحر

واعتقادهم في البعث والخلود

كنت مهتم جامد جدا بالاثار الفرعونية بس مع ضغط الحياة

تناسيت تلك الهواية

ياريت تبتدي تكتبي ن الآثار الفرعمونية
والاسرات

كـــيــــــــارا يقول...

ياااااااااااااه اخيرا لقيت حد عاشق للفراعنه حاضر اول اما اخلص سلسله الحضاره هدخل علي تاريخ الاسرات واثارهم

بس الاثار هتاخد مني وقت شويه

ونورت المدونه والحمد لله انها نالت اعجابك

Mkjwe يقول...

على فكرة انا بحب مواضيع الفراعنة جداً موضعهم كبير ومنيل بستين نيلة محير الناس بس والله حلو من أقدم الحضارات الأنسانية على وجه الأرض المفروض نفتخر فيها!!!
تحياتي وأحترماتي الطيبة

كـــيــــــــارا يقول...

اهلا بيك في ايام زمان

واتمني تشرف ضي القمر

والحضاره الفرعونيه من ارقي واقوي واندر الحضارات بالعالم

غنيه باثارها وتراثها

ومش منيله خالص خالص

اعشقها هتلاقيها بسيطه

تحياتي


كيارا

Mkjwe يقول...

أولاً أشكرك صراحتن على زيارتك الجميلة التي أسعدت بها جداً لمدونتي المتواضعة ولمساتك لكلماتك الأجمل ... وأكيد بيكون ليا زيارة لضي القمر وخسوفه كمان لؤؤل ومن ناحية الفراعنة والله يا كيارا مش أقصد حاجة لأني عاشقهم عشق المعشوق للمعشوقة وبخصوص موضوعهم المنيل أقصد بالمنيل هنا "وياريت ماتفهمينيش غلط بس" يعني حضارة داهية زي الواد الداهية كدة ... يعني شوفي حياتهم زمان من عشرين مليون سنة كانت زمااان اذاي بسيطة وبنفس الوقت متطورة وشوفي حياتنا دلوقتي ... أقصد أنهم كانوا بيفكروا كويس وبيفكروا جامد!!!
تحياتي بالزهور البنفسجية

كـــيــــــــارا يقول...

شرف لمدونتي انك زرتها مره اخري اهلا بيك

ثانيا ضي القمر هي المدونه الرئيسيه بتاعتي

ثالثا مفهوم منيله وضح كده وبجد علي بالتفسير ده

تبقي مليووووووون داهيه

اصل الحضاره الفرعونيه اتبت علي الانسان مش علي الاله

ودي تفرق


تحياتي

كيارا

E73 يقول...

بسم الله الرحمن الرحيم
السلام عليكم ورحمة الله وبركاته

الاول كل سنة و انتي طيبة
ثانيا انا اول مرة ادخل هنا و بجد مدونتك ماشاء الله عليها و عليكي رائعة
لأ بجد ذوقك عالي قوي
و بالنسبة للموضوعات اللي فيها
بيني وب ينك انا مليش في التاريخ قد كدة حتى جبت فيه في الثانوية العامة 40 فاشلة يعني عادي بس بجد مدونتك شكلها يفتح النفس ان الواحد يقرى
سلمت ياكي

(متبقي تعلميني):)

كـــيــــــــارا يقول...

يسعدني ويشرفني ان المدونه نالت اعجابك

وكل سنه وانت طيب

اما تاريخ المدارس ده بلاش منه لانه اصلا مش بيقدم معلومه علي بعضها كلها مقتطفااااات

يكفيني اقول ان الفصل الواحد اللي في كتاب الثانوي فيه ناس بتقعد تدرس وتعمل ابحاث فيه بالسنين

فتخيل بقي

اتمني ان مش تكون اخر زياره

كل سنه وانت طيب