وحشتني المدونة

 

 

طبعا انا بعتذر ليكم اولاد

  

وللمدونة ثانيا

 

هجرتها للاسف ودي غلطة انا مش ممكن اغفرها ليا

 

بس الشغل والحياه خدونى

 

راجعو البوست دا عشان هكمل عليه قريبا جدا باذن الله

مقدمة

بسم الله الرحمن الرحيم 

الحقيقة مش هلاقى كلام ممكن أتفق معاه أكتر من الكلمة إللى كتبها أحمد سعيد فى إستفتاح

إحنا فعلا محتاجين نقرا التاريخ بشكل جديد 

بل قبل كدا ...

محتاجين أصلا نقرا تاريخ 

و إتهيألى برضه ممكن نتفق مع بعض لو قولنا إننا محتاجين نقرا 

أول كلمة نزلت فى القرءان على الإطلاق كانت  ( إقرأ )

أكيد دا ليله دلالات غير معدودة  

بس إحنا أمة لا تجيد القراءة

علشان كدا مش عارفين نجيد الأوامر التالية عليها 

مش مرتبين أولوياتنا كويس 

و الدليل إن معظم الناس دلوقتى بتعتبر القراية هواية !!!!!!!

المفروض إن القراءة دى من الأساسيات مش الكماليات 

و من بين كل الفروع إللى ممكن يتقرا فيها بيجى التاريخ بأهميته 

المفروض ميبقاش التاريخ مجرد منهج دراسى محدود إمتحنت فيه و خلص 

التاريخ دا درس خصوصى ببلاش للى عايز يعرف يتصرف إزاى فى الحاضر و يخطط للمستقبل

و درس ممتع وشيق كمان للى عايز يتمتع 

و متعته  أكبر لما نحكيه إحنا لبعض بعيدا عن القوالب المنمطة و التحيزات الإيدولوجية المعلبة 

و أكيد شيء لطيف أما يبقى محور حديثنا هو حاجة مفيدة و مهمة 

******

المعلومات إللى هتبقى فى البوستات .....الواحد قبل ما يكتبها إجتهد كتير فى إنها تبقى مظبوطة 

فأى حاجة تبقى غير كذلك فهو تقصير غير مقصود و لو الإنسان  إنتظر الكمال لأى عمل مش هيعمله

و الله من وراء القصد .......