الاثنين، 15 مارس 2010

مقدمة

بسم الله الرحمن الرحيم 


الحقيقة مش هلاقى كلام ممكن أتفق معاه أكتر من الكلمة إللى كتبها أحمد سعيد فى إستفتاح

إحنا فعلا محتاجين نقرا التاريخ بشكل جديد 

بل قبل كدا ...

محتاجين أصلا نقرا تاريخ 

و إتهيألى برضه ممكن نتفق مع بعض لو قولنا إننا محتاجين نقرا 



أول كلمة نزلت فى القرءان على الإطلاق كانت  ( إقرأ )

أكيد دا ليله دلالات غير معدودة  

بس إحنا أمة لا تجيد القراءة

علشان كدا مش عارفين نجيد الأوامر التالية عليها 



مش مرتبين أولوياتنا كويس 

و الدليل إن معظم الناس دلوقتى بتعتبر القراية هواية !!!!!!!

المفروض إن القراءة دى من الأساسيات مش الكماليات 

و من بين كل الفروع إللى ممكن يتقرا فيها بيجى التاريخ بأهميته 

المفروض ميبقاش التاريخ مجرد منهج دراسى محدود إمتحنت فيه و خلص 

التاريخ دا درس خصوصى ببلاش للى عايز يعرف يتصرف إزاى فى الحاضر و يخطط للمستقبل

و درس ممتع وشيق كمان للى عايز يتمتع 


و متعته  أكبر لما نحكيه إحنا لبعض بعيدا عن القوالب المنمطة و التحيزات الإيدولوجية المعلبة 


و أكيد شيء لطيف أما يبقى محور حديثنا هو حاجة مفيدة و مهمة 


******

المعلومات إللى هتبقى فى البوستات .....الواحد قبل ما يكتبها إجتهد كتير فى إنها تبقى مظبوطة 

فأى حاجة تبقى غير كذلك فهو تقصير غير مقصود و لو الإنسان  إنتظر الكمال لأى عمل مش هيعمله

و الله من وراء القصد .......


هناك 5 تعليقات:

Kiara يقول...

صح جدا الكلام دا

وربنا يعنا علي المسئولية الكبيرة اللي احنا فيها

المدوناتى يقول...

كلام جميل وفى الصميم
أضم صوتى لصوتك حتى نمحو ما وصمنا به
من اننا أمه لاتقرا واذا قرأت لاتفهم
وأذا فهمت لاتعمل

تحياتى وادعوك لزيارة مدونتى لاستنير
برايك

ادم المصرى يقول...

كلامك معقول

لا يغير الله ما بقوم حتى يغيرو ما بانفسهم

أحــوال الهـوي يقول...

انتي اللي وحشتيني جداااااااااا

و جاي اقول الكلمه دي و امشي

تحياتي

Kiara يقول...

بابا

وانت كمان وحشتنىىىىىىى اووووووووووووي