الخميس، 12 فبراير 2009

الفن في العصر الفرعوني الجزء الاول

احم احم طبعا وعشان مش اكسل انا كنت مجهزه بوست عن الفن فقلت ابقي شطوره واكتبه وانزله

طبعا المصريين القدماء سابولنا ارشيف بنفتخر بيه لحد الان

طب ايه كان هدفهم من الفن زمان

حد يقولي

ياكماحه حد يقول

عاااااااااااا هو لازمن يحني انا اقول كول حاكه كدا

طوووويب هقول وامري لله

قبل اما اقول الهدف هقول حاجه الفن المصري بيعتبر سجل حضاري بنعرف منه

الوسط الفكري اللي عاشه الانسان زمان وكمان بنعرف مدي تقدم الفتره دي


نرجع بقي للهدف

هنستشف ايه هنستشف دي لا هنلاحظ يعني من صور الالهه في المعابد والنقوش في المقابر

والتماثيل والتوابيت والاثاث الجنزي والقرابين والهبات ان كل دا كان لهدف واحد

وهو دينـــــــــــــــــى
وفى مؤرخين بيقولوا انه ديني وجنزى

*********
عصر ماقبل الاسرات

في العصر دا كان المصري بيهتم جدا بالرسم علي الفخار وكانت رسومهم غايه في البساطه والرقه

ودا بيظهر اوي في حضارة نقاده الاولي والثانيه

لكن وجد ايضا بعض النقوش علي الجدران والصلايات وايادي السكاكين بتعبر عن عنف وقسوة

بسبب الحروب اللي حدثت قبل توحيد شطري البلاد ( يحني الحرب برده كانت بتاثر في نفسهم

وبيظهر دا في نقوشهم ( زي دلوقتي لما بنلاقي الحزن في الرسم من اثر الحروب اللي بنشوفها علي الهوا اون لاين )


*********

الاسرة الاولى

مش كان في نظام مقديدين بيه احرار يحني

بس مثلا هنلاحظ ان في صلاية الملك نعرمر اللي هو اسس الاسره الاولي

هنلاقي اختلاف مثلا في احجام الناس والملك بحجم كبير اكبر من مرافقيه من رجال البلاط

يعني الفنان زمان كان بيعمل كل مركز بحجمه ( بلد بتاعت شهادات صحيح )

وهنلاحظ في ان الفن في الوقت دا بيتميز بالوقار والهدوء ويميل الي الزخارف المبسطة

ويبتعد عن الزخارف المعقدة وبيفضل الخطوط المستقيمة وبيبعد عن الخطوط المنحنية


وعلي فكرا كان في حاجه المصري زمان كان دقيق فيها

وهي انكم لو بصيتو لاي حاجه منقوشه كنتو هتلاقوا حاجا شديدة البروز او شديده العمق او قليله البروز او قليله العمق

كان سبب دا هو تاكده من كفايه الضوء يعني كان بيحسبها قبل اما يعمل حاجه

ودا اللي خلا الحضاره المصريه الفرعونيه اللي عمرها اكتر من 7000 سنه موجوده لحد الان



الجزء الجاى هكتب القواعد العامة للرسم والنقش هو جاهز بس عشان مش تزهقوا مني :)

وهحاول احط صور توضيحية




هناك 25 تعليقًا:

جنّي يقول...

السلام عليكم

درس جميل وبراعة الفراعنة في الفنون المختلفة ادى الى خلودها وبقائها بروعتها ورونقها حتى يومنا فاصبحت من العجائب التي ابهرت كل الناس ..

تحيتي

صوت من مصر يقول...

هو هنخش على المماليك امتى ؟

بسمة انور يقول...

الفن دة شئ جميييييل جدا
واللى اجمل فن الفراعنة
كان ليهم روح مختلفة لمسات عبقرية

الدرس حلوة جدا .....اشكرك على هذه المعلومات المفيده

Tamer Nabil Moussa يقول...

السلام عليكم

تسلمى على البوست

والمعلومات القيمة


ربنا يكرمك

تحياتى

بنت الاسلام يقول...

ياريتنا نتعلم من جدودنا ونوصل لربع اللي وصلوله

في انتظار القادم

وماتنسيش الصور

تحياتي

hasona يقول...

السلام عليكم

جهد جميل قوي

وتشكري عليه

،،،،
وأحسن حاجة انك بتقسمي
تقسي الي أجزاء تفاديا للملل
والتوهان

دمت بكل خير

أحــوال الهـوي يقول...

اقول اسف لاني تاخرت و مش ذنبي فوجئت بالبوست في المتابعه تحت خالص ازاي ما اعرفش يمكن لما كنت مسافر نزلت بوستات كتير عليه

اظن الفن في العصر الفرعوني هو اول ما تقع عليه اعيننا و يبهرنا
و الجديد هو اختلاف اساليب الرسم من عصر الي اخر

تسلم يديك

تحياتي

ريكو يقول...

السلام عليكم
مجهود جميل ورائع
الفراعنة زمان كانو فنانين وعباقرة
لكن يا ترى أولادنا هيقولو أية على تاريخنا أحنا
تقبلى مرورى

rovy يقول...

السلام عليكم

مجهود رائع و معلومات قيمه عن اجدادنا الفراعنه ..ليتنا نتعلم منهم

شكرا لكى عزيزتى ..

سلمت يداكى

تحياتى

كلاكيت تانى وتانى يقول...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

كلاكيت تانى وتانى يقول...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

PrInCeSS BeRy يقول...

ازيك يا كيارا يا عثل

موضوعك هايل بما انى درست الاثار وملمة بالاثار الاسلامية اللى درسناها ودرسنا كمان عن الفراعنة ولكن يمكن دراستنا كانت مختلفة شوية عن الار ددة لاننا درسنا العمارة والنحت مدخلناش فى الاسر بس هتابعك يا جميل ربنا يوفقك

الازهرى يقول...

طيب لحد دلوقتى كويس
ومستنى الباقى
لكن على الفكرة حاولى تراجعى علشان فى اخطاء مطبعية كتير فى الموضوع اللى فات

تامر علي يقول...

ياترى ممكن تشوفلنا في المراجع احنا دلوقتي في عصر الاسرة الكام ؟؟؟
لحسن دي سنتهم كبيسه ومش عاوزين يرحلوا :)

Tarkieb يقول...

تسلمى على هذه المعلومات المفيده في انتظار القادم

مونتي بوكيه ورد يقول...

السلام عليكم ورحمة الله وبركاته
في البدايه شدني ليكي اسمك الجميل يا كيارا
و حسيت ان في مرايه بتشف ال روحي بتتكلم عنه لما شفت احساسك في كلماتك
"
بنت مصريه بحلم بدنيا صافيه مش فيهاغدر وكل اللي بتمناه اننا نحب بعض مش لاي هدف الا اننا نحب بعض بجد عشان نشوف الدنيا صح "
دا الحلم ال روحي بتحلم بيه دايما واد ايه لاقتني سعيد لما لاقيت حد بيحلم نفس الحلم بنفس الطريقه ...
ولاول مره بحب التاريخ اوي كدا ... لاسلوبك المبسط و دقتك في كتابتك... ربنا يزيدك ويبارك فيكي و الاقي وقت واتابع كل حكايااتك ...

حسن ارابيسك يقول...

كيارا
فعلا بنت مصرية جدعة وجميلة لما بنت من مصر تكتب بالشكل ده عن تاريخ أجدادها وبهذا التنويه الجميل والتحليل البسيط لهذا الشأن الفرعوني العظيم لما كل ده يطلع منك تبقي بجد بنت بلد مصرية غاية في الجمال
تحياتي
حسن أرابيسك

فوبيا - سايكولاند يقول...

على فكرة تعرفى ان اخر واحد فرعونى مصرى حكم مصر كان سنه 43 قبل الميلاد وبعدها كلهم من الاجانب لغايه دلوقتى
وتحيا مصر يا سيدتى

ذو الوجه المبتسم يقول...

كل عام وانت بخير
بمناسبة المولد النبوى الشريف
ادعو الله ان يجعلنا من المقربين اليه
وان يرحمنا برحمته
تحياتى

ن يقول...

السلام عليكم
الاخت الكريمة كيارا
أشكرك على الزيارة كما أتمنى دوام التواصل .
ايتها المصرية المحبة لمصريتها وتاريخها جميل أن تعتزى بتاريخ أجدادك ولكنى أحببت أن أقدم لم هدية بل تحفة نادرة عن تاريخك المصرى الحقيقى الذى سيجعلك أكثر حباً له خذى وقتك وإقرأى هذه النظرية العبقرية للدكتور أسامة السعداوى وعذراً أن أقول لك قد تصدمين فى البداية ولكن تمهلى حتى تصلى الى الحقيقة ببصيرتك وقلبك المصرى الخالص

http://www.ossama-alsaadawi.com/_private/main.htm
مع خالص تحياتى
أمل فتحى عزت

غير معرف يقول...

جميل ياكيارا
متابعه معاكي ياجميل

شاب كــ طخين ـــــا يقول...

تسلم ايدك معلومات قيمه

Unknown يقول...

والله انا أشكرك على الموضوع المفيد ده حول الفراعنة وفنونهم واهتمامهم بالفن
وأظن ان حضرتك متخصصة في الفنون من استفاضة كلامك وتخصصه
وإلى الأمام
ويبقى التواصل

sssssssssssss يقول...

منيح اتمنالك كل خير درس الفراعنه
مع اني مليش بالفراعنه شي
بس رحنا علي مصر
ويتحقق احلامك

Unknown يقول...

حلو الموضوع بس كان محتاج لصور توضيحية
احنا درسنا فى التاريخ الفرعونى لوحة نارمر كمثال على الفن الفرعونى بالتفصيل الممل و بأمانة مش فاكر حاجة منها غير طشاش