الأربعاء، 25 يونيو 2008

حضاره مصر الفرعونيه 1




انا هتكلم عن حضارتنا هتكلم عن اجدادنا

ازاي عاشوا ازاي تاجرو كل حاجه تخص حياتهم

حياه اجتماعيه اقتصاديه سياسيه دينيه

وهبتدي بالحياه الاجتماعيه



الحياه الاجتماعيه في مصر الفرعونيه

ان المصري في عصور ماقبل الاسرات كان يتخذ زوجه كشريكه حياه

تعاونه وتنجب له الاطفال شانه شان الانسان في كل المجتمعات البدائيه

لبسيطه فانجاب الذريه كان اهم البواعث علي الزوافي تلك المجتمعات

ويستدل علي ذلك من تماثيل السيدات التي وجدت في عصور ماقبل الاسرات

فهي عموما تماثيل السيدات متضخمات الاثدان والبطون والمقصود بذلك تمثيل الامومه وانجاب الذريه




تعالو نشوف سبب الزواج المبكر في مصر الفرعونيه:

يجمع الحكماء من مختلف عصور التاريخ في نصائحهم الموجهه

الي الابناء علي حثهم علي اتخاذ زوجه وتكوين اسره في سن مبكره كلما امكنهم ذلك

وكان ذلك ابلغ الاثر في نفوس المصريين القداء

فتاصلت لديهم عاده الحرص علي الزواج المبكر

والترغيب فيه ولا شك ان هذه العاده ترجع لاسباب تتمثل في



1_ الاستجابه للواعز الديني لدي الاب الذي يرغب في ترديد اسمه بواسطه ابنائه في الدنيا

2_ تقديم القرابين يتطلب اعداد وفيره من الايدي العامله تقوم بالانشطه الاقتصاديه وفي مقدمتها الزراعه

ومن نصائح بتاح " اتخذ لنفسك زوجه وانت شابا حتي تعطيك ابنا تقوم علي ماتراه وقد اشتد واصبح رجلا فالرجل


السعيد هو كثير الاهل فالكل يوقرونه من اجل ابنائه"

وكان يبدو ان الاحتفاظ بالزوجه لم يكن سهلا فربما كان القوي يغتصب زوجه الضعيف

ويتخذها لنفسه ولذا نجد ان الملك المتوفي يوصف في نصوص الاهرام بانه

"ياخذ النساء من ازواجهن علي حسب رغبته"





اما بقي طقوسهم في الزواج فكانت عقود قانونيه

وترجع اقدم وثيقه زواج معروفه الي عصر الاسره الثانيه والعشرين



تعالوا نعرف بقي جدودنا وكان عمرهم كام!

كان بيت زواجهم في سن مبكر جداااااااااااااااا

وكان عاده في سن 15 سنه للولد و12 سنه للبنت

والعرف ان يتزوج الشاب من داخل نطاق الاسره او القريه التي ينتمي اليها

ونعرف من نصوص الانساب الخاصه ببعض العائلات

ان الزواج كان يتم بين ابناء العم او الخال واحيانا كانت الفتاه تتزوج من خالها او عمها

وفي حالات اخري في "العصر البطلمي"كان الزواج يتم فيها من الاخوه غير الاشقاء

الذين يشتركون معا من ناحيه الاب فقط

اما زواج الاشقاء فلم يعرف كما اشاع الكتاب الاغريق

وعلي راسهم ديودور الصقلي وتابعهم في هذا بعض المؤرخين المحدثين

ويرجع ذلك اللبس الي ان المصري كان يطلق علي الزوجه او

الحبيبه لفظ "سنت"sntبمعني اخت

snبمعني اخ "سن"

ويبدو ان المصري اراد من اطلاق هذا المدلول اللفظي

ان يعبر عن قوه الرابطه التي تربطه بزوجته فجعلها كرابطه الاخوه التي لا تنفصم



وبكده يبقي الجزء الاول من الحضاره الفرعونيه خلص
ونلتقي في الجزء التاني باذن الله

ان النقل بدون ذكر الاسم حسابه عند الله

هناك 8 تعليقات:

Unknown يقول...

اسجل اول مرور لمدونتك
الموضوع جيد اهنئك علية
تحياتى

كـــيــــــــارا يقول...

اهلا بحضرتك
وان شاء الله مش اخر زياره

omar يقول...

انا مش عارف اقول اية بجد
مدونتك تحفة
ربنا يوفقك
الاتنين بجد جامدين جدا
اتمني انك تشرفيني في مدونتي بزيارتك

http://omar-elromansyelhazen.blogspot.com/
الرومانسي الحزين

كـــيــــــــارا يقول...

ميرسي بجد لكلامك وتشجيعك

وجررري علي مدونتك

تحياتي

كيارا

بنت القسام يقول...

اممممممم
الموضوع حلو بصراحه
بس انتى دخلتي من ناحيه
هي حلوة مش قولنا حاجه
بس مش كنتى الاول
اتكلمتى عن مصر وكانو بيطلقو عليها ايه وكدة
هو موضوعك حلو بجد
انا نقلته عندي في اجندة محاضراتي لانه هيساعدني كتير في البحث بتاعي
ارجو ان مش يكون عندك مانع
تحياتى
جيلاان

كـــيــــــــارا يقول...

الاول يارب يكون المدونه فادتك في بحثك

اما حكايه مصرو كده فانتي لو عاوزاها انا اعملهالك مخصوص

اما ليه مش بدات بيها فهي جايه في اجزاء بعد كده وكان اسماء مصر وعواصمها والكلام ده بحث عملته وانا في ثالثه جامعه بس لسه محتفظه بيه

هطلعهولك واديكي اسماء الكتب منه ولو عاوزه نصيحتي روحي الهيئه العامة للكتاب قاعه الاطلاع مش قاعه نجيب محفوظ اول صف هتلاقي كتب غايه في الروعه للدوله القديمه

ومعنديش مشكله انك نقلتيهم في اجندتك بالعكس ده يسعدني اني قدرت مش اوصل معلومه لا واساعد بيها

كل سنه وانتي طيبه

hasaneen يقول...

والله العظيم حاجه جميله جدا حسستنا انه مازال فيه اصاله وفيه حد بيدور عليها مدونه جميله . نتمنى اكتر واكتر

كـــيــــــــارا يقول...

ربنا يخليك يارب

والحمد لله انها نالت اعجابك

تحياتي